لەبان دارە خورمایگ.. کوشیان و زەخمداری دوو کەس لە زیقار
2023-10-11T13:54:22+00:00
شەفەق نیوز/ سەرچەوەیگ ئەمنی لە زیقار، ئمڕوو چوارشەممە، خەوەردا لە کوشیان و زەخمداری دوو کەس وە مرافەیگ چەکدار باشوور پارێزگای زیقار.
سەرچەوەگە ئەرا ئاژانس شەفەق نیوز وت: مرافەیگ کەفتە ناوەین ئامووزایلیگ لەبان دارە خورمایگ لە ناوچەی رفیعە لە قەزای سوق شیوخ باشوور پارێزگای زیقار، و رەسیە وەکارهاوردن چەک سووک و چەقوو.
سەرچەوەگە دیاری کرد کە مرافەگە بویە هوکار کوشیان کەسیگ لەناو تەمەن بیس ساڵان وەگولە، و کەسیگیش زەخمدار بوی، وتیش: هیزیگ ئەمنی رەسیە شوین رویداوەگە و تەرم قوربانیەگە ئەرا پزشک دادوەری بریا، و زەخمدارەگە ئەرا خەسەخانە.
