كه‌سيگ له شار سه‌در تويش كۆرۆنا هات و له‌وه‌ر ئه‌و خيزانه‌گه‌يشى خريانه كه‌ره‌نتينه
شه‌فه‌ق نيوز/ كادره‌يل وه‌زاره‌ت ته‌ندروستى، ئه‌ندامه‌يل خيزانيگ له شار سه‌در خستنه كه‌ره‌نتينه له به‌غداى پايته‌خت، ئه‌ويش له ئه‌نجام تويشهاتن يه‌كيگ له‌ليان وه ڤايرۆس كۆرۆناى تازه.
له‌ى باوه‌ته‌و، په‌يامنێر شه‌فه‌ق نيوز وت: كادره‌يل ته‌ندروستى له شار سه‌در ئه‌ندامه‌يل خيزانيگ نيشته‌جێ جاده‌ى چوادر له نزيك مزگفت ئه‌لحكمه خستنه‌سه كه‌ره‌نتينه‌و ئه‌و خيزانه پيكهاتنه له كه‌س و گشتيان كه‌ره‌نيتينه كريانه له ئه‌نجام تويشهاتن يه‌كيگ له‌ليان وه ڤايرۆس كۆرۆنا له ئه‌نجام تاقيكردنه‌وه‌ى پزيشكى و وشكانن كۆرۆنا ئه‌راى.
جى باسه، يه‌يش له‌وه‌خيگه هيزه‌يل ئاسايش، شار سه‌در له به‌غداى پايته‌خت وه ديوار كۆنكريتى به‌سانه و قه‌يه‌غه‌ى هاتوچوو له‌بان مه‌ردم ناوچه‌گه چه‌سپاننه له‌وه‌ر پشتگووشخستن ئه‌و قه‌يه‌غه و گرده‌وبوين فريه‌ى مه‌ردمى وه بوونه‌ى زياره‌ته‌يل ئايينى.
