کەفتن مووشەک نادیاریگ لە پارێزگای سەڵاحەدین

شەفەق نیوز/ سەرچەوەیگ لە پولیس عراق، ئمڕوو شەممە، خەوەردا لە کەفتن مووشەک نادیاریگ لەناو یەکیگ لە ناوچەیل دویر باشوور پارێزگای سەڵاحەدین.

سەرچەوەگە ئەرا ئاژانس شەفەق نیوز وت: مووشەکەگە کەفتە شوینیگ خوەڵ لە کەرت مکێشیفە لە قەزای سامەڕا شەفەق ئمڕوو، وەبی توومارکردن زەخمداری.

هەرالیوا، چین و مارکەی ئەو مووشەکە وەلایەن دەزگایل پەیوەندیدار ئاشکرا نەکریا، و سەرچەوەی وەشیانی دیاری نەکریا، وەگورەی ئەو سەرچەوە کە وتیش؛ لێکۆڵینەوە لە رویداوەگە واز کریا.

کەفتن ئی مووشەکە وەگەرد وەخت پەلامارەیل ئیسرائیل شەفەق ئمڕوو وەبان ناوچەیلیگ لەناو ئیران هات.