عراق چەوەڕی وارانیگ کەێد یە چەن ساڵیگە وەی رفتیە نەواریە

شەفەق نیوز/ شارەزای کەشناسی عەلی جابر زیادی، ئمڕوو جمعە، راگەیان کە عراق چەوەڕی وارانیگ کەێد یە چەن ساڵیگە وەیجویرە رفت نەواریە، لە سووەو دەسوەپی کەێد.

زیادی ئەرا ئاژانس شەفەق نیوز وت: وڵاتەگە لە یەکەم ساعەتەیل سوو شەممە، چەوەڕی ئەوریگ واراناوی ئەرا یەک رووژ کەێد، کە وارانیگ وارێد، هاتی لە شوینەیلیگ لە بەشەیل ناوڕاس و خوەرئاوای وڵات وشارەیل فورات ناوڕاس فرە رفت بوود، و ئەو ناوچەیل وڵات وەشیوەی جیاوازیگ گرێدەو.

وتیش: واران ئەرا رووژ ١٧ی ئی مانگە گلەو خوەێد، و لە شوینیگ ئەوریگ پەڵە دەێد لە رووژ ٢١ەو دەسوەپی کەێد یا دیر کەفێد، کە واران رفتیگ لە ناوچەیل جیاجیای وڵات وارێد کە یە چەن ساڵیگە وەیجویرە نەواریە.