عراق وەرەو کەشوهەوای زمسان و واران و ئەور و تریشقە چوود
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێشەممە، لە ناوچەی ناوڕاس ئەور و وارانە وەتایبەت لە بەشەیل خوەرئاوای وڵاتەگە وەگەرد ئەور و تریشقە لە دویای نیمەڕو، و پلەی گەرمی کەمیگ داوەزێد، و لە ناوچەی باکوور ئەور و وارانە و پلەی گەرمی کەمیگ داوەزێد، و لە ناوچەی باشوور نیمچە ئەورە تا ئەور تەواوە، و پلەی گەرمی کەمیگ بەرزەو بوود.
وتیش: رووژ چوارشەممە، لە گشت وڵاتەگە رووشنە و بوودە نیمچە ئەور، و پلەی گەرمی نزیک رووژ وەرجە خوەیە.
دیاری کرد کە رووژ پەنجشەممەڕ لە ناوچەی ناوڕاس نیمچە ئەورە تا ئەور تەواوە، وەگەرد دەرفەت نمە وارانیگ مەوقەی رووژ، و لە ناوچەی باکوور و باشوور لە نیمچە ئەور تا ئەور تەواوە، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ جمعەی ئایندە، لە ناوچەی ناوڕاس و باشوور نیمچە ئەورە، و لە ناوچەی باکوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
