عراق دەوام فەرمی رووژ یەکشەممەی ئایندە کەێدە پشوو
2024-08-20T08:07:18+00:00
شەفەق نیوز/ سەرۆک ئەنجومەن وەزیرەل، محەمەد شیاع سودانی، دەوام فەرمی رووژ، یەکشەممەی ئایندە، بڕوار بیس و پەنج ئاب کردە پشوو فەرمی لە گشت وەزارەت و دامودەزگایەل سەر وە حکومەت، که هاووەختە وەگەرد زیارەت چلە.
یەیش وەپای ئەوەگ ئەمنیداریەتی گشتی ئەنجومەن وەزیرەیل، ئمڕوو سێشەممە، رایگەیان.
موسڵمانەیل شیعە لە شار کەربەلا یاد چلەی ئیمام حسێن کەن کە چل رووژ لەدویای عاشوراس ساڵیاد کوشتن ئیمام حسێنە وەگەرد بنەماڵە و هاوڵەیلی لە جەنگ تەف لەبان دەس سوپای خەلیفەی ئەمەوی یەزید کوڕ موعاویە لەساڵ 61 کۆچی کە کەێدە 680ی زایینی.
