کەشوهەوای یەکەمین چوار رووژ لە مانگ تەشرین یەکەم.. داوەزیان گەرمی و دەرفەت واران
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای ئمڕوو شەممە، رووشنە وەگەرد لەکە ئەوریگ لە ناوچەی ناوڕاس، و نیمچە ئەورە لە ناوچەی باکوور، و لە ناوچەی باشوور رووشنە، و پلەی گەرمی لە گشت وڵاتەگە کەمیگ نزمەو بوود.
وتیش: سوو یەکشەممە، لە بەشەیل ناوڕاس و باکوور رووشنە تا نیمچە ئەوریگ، و لە ناوچەی باشوور رووشنە وەگەرد لەکە ئەور، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.
وتیش: رووژ دووشەممە، لە ناوچەی ناوڕاس نیمچە ئەورە، و لە ناوچەی باکوور نیمچە ئەورە وەگەرد دەرفەتیگ ئەرا نمە وارانیگ لە بەشەیل باکووری، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
دیاری کرد کە رووژ سێشەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ داوەزێد.
دەسەگە وتیش: کەشوهەوای وڵاتەگە ئەرا رووژ چوارشەممەی ئایندە، لە ناوچەی ناوڕاس و باکوور رووشنە وەگەرد لەکە ئەوریگ، و لە ناوچەی باشوور رووشنە، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.
