سەردییگ روی لە عراق کەێد ماوەی 14 ساڵە لەوینەی نەویە
2024-11-25T09:45:09+00:00
شەفەق نیوز/ وەڕێوەبەرایەتی راگەیانن دەسەی کەشناسی عراق، ئمڕوو دووشەممە، راگەیان لە رووژەیل بانان شەپوولیگ سەرما عراق گرێدەو وە جویریگ سەردە لەماوەی 14 ساڵ گوزەشتە وینەی نەبویە.
وەڕێوەبەر راگەیانن دەسەی کەشناسی عامر جابری، راگەیانیە، شەپوول خەسیگ عراق گرێدەو مەزەنە کەن لە رووژەیل ئایندە هەرێم کوردستانیش بگرێدەو.
یەیش لەوەختیگ لە وڵاتەیل تورکیا و باکوور کوردستان لە چەندین شوین وەفر واریە و لەوەر فرەی رێژەگەی لە چەن شوینیگ دەوام خوەنین پەکخریاس.
