زیقار.. مردن ئیرانیگ وە تەزوو کارەبا و توومارکردن خنکیان و خوەیکوشتن
شەفەق نیوز ـ زیقار
سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا لە توومارکردن شمارەیگ رویداو ئەمنی لە ناوچە جیاوازەیل پارێزگاگە، لەناویان مردن ئیرانیگ وە تەزوو کارەبا، و حالەتەیل خنکیان و خوەیکوشتن گەنجیگ وە سزانن خوەی.
سەرچەوەگە وە ئاژانس شەفەق نیوز وت، هاوڵاتیگ ئیرانی لە کارخانەی پاکەوکردن فەرش کارکردیە لەناوڕاس شار ناسڕیە، لەناو کارخاەگە وە مدوو تەزوو کارەبا گیان لەدەسداس، وتیش؛ تەرمەگەی ئەرا پزیشک دادوەری کلکریاس تا رێکار یاسایی ئەرای تەواو بکریەێد.
لە رویداو ترەک کە لە پارێزگاگە توومارکریاس حالەت خنکیان دوو کەسە لە چەم غوراف و شەترە لە باکوور شار ناسڕیە، قوربانیەگەی گەنجیگ 16 ساڵان و مناڵیگ دوو ساڵان بوی.
سەرچەوەگە وتیش، گەنجیگ بیس ساڵان لەناو ماڵ خوەیان خوەی کوشتیە لە ناوچەی حەی شوهەدا لەناوڕاس ناسڕیە، دیاریکرد هووکار رویداوەگە تا ئیسە دیارنییە.
