زيقار.. خنكيان مناڵیگ تا مردن لەناو ماشینیگ بەسیاگ

شەفەق نیوز/ سەرچەوەیگ ئەمنی لە پارێزگای زیقار، ئمڕوو دووشەممە، خەوەردا لە خنکیان دڵتەزنیگ ئەرا مناڵیگ تەمەنی لە سێ ساڵان ئەوبان نییە.

سەرچەوەگە ئەرا ئاژانس شەفەق نیوز وت: مناڵیگ تەمەنی لە سێ ساڵان زیاتر نییە، لەوەر گەرمی لەناو ماشینەگەی خنکیا، چوینکە باپیری لەناو ماشینەگە لە نزیک ماڵ خیزانەگە لە قەزای گوڕمەت بەنی سەعد لە هویری چگ.

وتیش؛ باپیرەگا پەنجەرە و دەرەیل ماشینەگە بەسا و مناڵەگە لەناوی لەهویری چگ، تا لەوەر گەرمی گیانی لەدەسدا.

سەرچەوەگە وتیش؛ هێزیگ ئەمنی تەرم مناڵەگە رەسانە پزشک دادوەری، و باپیرەگە دەسگیر کرد.