دەسگیرکردن ئەندامەیل بڕفن و ئازادکردن رفیایەگە لە بەغدا

عەمید موقداد میری قسەکەر ناوخوەی لە بەیانیگ رەسیە ئاژانس شەفەق نیوز وت، هێزەیل لیوای دوو لە تیپ یەکەم  پۆلیس فدراڵی وە هاوبەشی وەگەرد مەفرەزەیل هەواڵگێری لیواگە باندیگ رفانن دەسگیرکردن کە لە سێ توومەتبار پێکهاتبوین و کەسە رفیایڵگەیش ئازادکریا" وتیش "  ئۆپراسیۆن دەسگیرکردنەگەی لەبان بنەمای زانیاریەیل هویردیگ هاتیە لە هەبوین حالەتیگ رفانن لە ناوچەی نەهڕەوان-دەوانم خوەرهەڵات بەغدا، وەی مدووە تیمیگ ئەمنی هاوبەش دروسکریا.

 وتیش،" ئاخڵەی ناوچەگە دریا و بازگە و کوڵەی وەختانە دانریا و چەودێری جویلەیلیان کریا لە ری کامیرەیل چەودێری ، لەئەنجام توەنریا وە وەختیگ پەیمانەیی دەسگیربکریەن"، دیاریکرد "توومەتبارەیل ئەرا لایەن پەیوەنیدار کلکریەن تا رێکار راستەقینە و یاسایی پێویست وەرانوەریان بگیرێد".