دو حاڵه‌ت مردن و 81 تويشبوين وه كۆرۆنا له ماوه‌ى 24 سه‌عات له عراق تۆمار كريان
2020-04-28T20:42:33+00:00
شه‌فه‌ق نيوز/ وه‌زاره‌ت ته‌ندروستى عراقى، ئاشكراى تۆماركردن دو حاڵه‌ت مردن و 81 حاڵه‌ت تويشبوين تازه كرد وه ڤايرۆس كۆرۆنا له ماوه‌ى 24 سه‌عات گوزه‌يشت.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: ئه‌و تويشبوينه‌يل تازه وه‌ى جووره دابه‌ش بوينه: به‌غدا/ ره‌سافه 15، به‌غدا/ كه‌رخ 2، شار پزيشكى 3، نه‌جه‌ف پيرووز 1، به‌سره 39، كه‌ربه‌لا 1، كه‌ركوك 2، موسه‌نا 5، بابل 2، هه‌ولێر 11.
ئاماژه وه تۆماركردن دو حاڵه‌ت مرن كرد له به‌غدا/ ره‌سافه و هه‌ولێر، وه‌لێ باس له‌وه‌يش كرد 33 نه‌خوه‌ش خاسه‌و بوينه وه‌ى جووره: به‌غدا/ ره‌سافه 18، به‌غدا/ كه‌رخ 3، نه‌جه‌ف پيرووز 1، به‌سره 4، زيقار 6، نه‌ينه‌وا 1.
