داوەزین کەمیگ نرخ دۆلار وەگەرد بەسیان بازاڕەیل بەغدا و هەولێر
2023-01-15T14:39:42+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، وەگەرد بەسیان بۆرسەی سەرەکی بەغداد پایتەخت داوەزی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، لە وەخت وەسین 157200 عێراقی وەرانوەر 100 دۆلار ئەمریکی توومار کردن، شەوەکی ئمروو 157900 وەرانوەر 100 دۆلار.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد داوەزیا، نرخ فرووشتن رەسیە 158000 دینار عراقی وەرانوەر 100 دۆلار ئەمریکی، و نرخ سەنینی رەسیە 156750 دینارعراقی .
لە هەولێریش وەگەرد بەسین بۆرسە نرخ دۆلار داوەزین توومارکرد ک نرخ فروشتنی رەسیە 157000دینار ئەرا 100 دۆلار، و نرخ سەنین رەسیە 156975 دینار لە وەرانوەر 100 دۆلار.
