داوەزیان رێژەی سەنین موێک لە تورکیا ئەرا 70% وەلایەن عراقیەیل
2023-12-18T13:08:46+00:00
شەفەق نیوز/ دەسەی ئامار تورکیا، ئمڕوو دووشەممە، راگەیان لەماوەی 11 مانگ ساڵ 2023 عراقیەیل زیاتر لە 1800 مولک سەننە.
دەسەگە لە خشتەیگ ئاژانس شەفەق نیوز ئسفایکردیە راگەیان، "عراقیەیل لە کانوون دویەم تا مانگ تەشرین دویەم ئمساڵ، 1823 مولک لە تورکیا سەننە کە وە رێژەی 69% داوەزین وەخوەی دیە وە بەراورد وە هەمان ماوە وەرد ساڵ 2022 کە سەنین مولک وەلایەن عراقیەیل 5896 بوی".
دیاریکرد " عراقیەیل لەماوەی مانگ تەشرین دویەم 90 مولک لە تورکیا سەندنە کە داەزین وە خوەی دە وەگورەی هەمان وەخت لە ساڵ2022رەسیە 331 موڵک".
دیاریکرد "لەماوەی ئەو 11 مانگە عراقیەیل لە پلەی سێیەم بوینە لە سەنیین مولک لە تورکیا لە دویای هەریەک لە روسیا وە سەنین 10 هەزار و33 مولک، ئیرانیەیل وە 4067 مولک، ئمجا ئۆکرانیەیل وە چوارەم تێن وە 1607 مولک، کازاخستان وە ـ1342 مولک".
