داعش لە ناو تەمەگە پەلامار هێزە عراقیەگان دەێد
شەفەق نیوز/ سەرچەوەیلیگ ئەمنی لە سەڵاحەدین، ئمڕوو جمعه، خەوەردان ک کەسەیلیگ لە ریخریاگ داعش کەرتەیلیگ ئەمنی لە دەورگرد قەزایل بێجی و ئامرلی کردنە ئامانج.
سەرچەوەیگ ئەمنی خەوەردا ئاژانس شەفەق نیوز ک ئەندامەیل داعش پەلامار خاڵەیلیگ ئەمنی دان سەروە لیوای ٣١ لە حەشد شەعبی لەەورگرد ناحیەی سینیە و ئەندامەیل حەشد شەعبی نوایان گردن و کەفتنە رویوەڕوی و ناچار واینیان کردن وەبی هیچ زەخمداربوینیگ.
وتیش؛ ئەندامەیل داعش تەمە خەسەگە و کەم نووڕستنەگە وەکارهاوردن تا پەلامار ئامانحەبلیگ سەربازی بیەن، وەلی هووشیاری هێزە ئەمنیەگان ری لەلیان گرد.
لە قەزای ئامرلی لە سەڵاحەدینن، ئەندامەیل داعش دوێەشەو پەنجشەممە لە وەخت دیریگ پەلامار ئاوای بستەملی لە دەورگرد قەزاگە دان، و هێزە ئەمنیەگان و حەشد نوایان گردن وناچار واینیان کردن.
سەرچەوەیگ ئەمنی ئەرا ئاژانس شەفەق نیوز دووپاتکرد ک هیچ زەرەدیگ یا زەخمدارییگ پەلامارەگە نەوی.
