دادگای عراقی: سزای 10 ساڵ زیندانیکردن ئەرا "حەبایە" و چزدەریگ
سەرچەوەیگ ئەمنی لە پارێزگاگە وە ئاژانس شەفەق نیوز وت "دادگای تاوانەیل زیقار سزای 10 ساڵ زیندانیکردن و 15 ملیۆن دینار غەرامە دەرکرد، ئەرا زیندانیگ وە تاوانبازرگانیکردن وە مادەیگ ناسریاگ وە (حەبایە).
سەرچەوەگە وتیش، "بڕیارەگە وە پشت بەسین وە بڕگە مادەیل 28 لە یاسای دژە مادەی هووشبر وکاریگەری دەروینیەگان دەرچگە".
هەمیش، دادگای عراقی، سزای دە ساڵ زیندانیکردن ئەرا زیندانیگ کرد چز "خێزانەیل شەهید حەشد شەعبی" دایە، وەڕێوەبەرایەتی گشتی ئەمن و ئەغماز لە دەسەی حەشد شەعبی لە ماوەی وەرین دەسگیری کردن.
وەڕێوەبەرایەتی حەشد لە بەیانامەیگ رەسیە ئاژانس شەفەق نیوز وت، زیندانیەگە کارهەڵخەڵەتانن کردیە لەری بەڵین دامەزرانن لە لایەن قوربانیەگە بڕە پویل فرەیگ بردیە، و وەلایەن وەڕێوەبەرایەتی لێکۆڵینەوە و ئەمن وەڕێوەبەڕایەتی گشتی ئەمن رەفتار دەسەی حەشد شەعبی دەسگیرکریا لەدویای وەرگردن رەزامەنی فەرمی وە لایەن دادوەر تایوەت.
لەبەیاننامەگە دیاریکرد "لە مەوقەی کاریگ چزداین وەرانوەر وە خێزان شەهیدەیل حەشد شەعبی دەسگیرکریا وەردیا بڕە پویلیگ بوی ک لەری کارەیل چزداین و هەڵخەڵەتانن وەدەسی هاوردیە".
لێکۆڵینەوە وەردیا تاواوبویو دادگای عراقی سزای دە ساڵ زیندانیکردن ئەرای دەرکرد.
