خوەیکوشتن ژنیگ و دویەتیگ لە یەکەم رووژەیل جەژن لە بەغداد
2024-06-16T10:08:14+00:00
شەفەق نیوز/ بەغداد پایتەخت، لە یەکەمین رووژەیل جەژن قوربان، ئمڕوو یەکشەممە، دوو رویداو خوەیکوشتن توومار کرد.
سەرچەوەیگ ئەمنی ئەرا ئاژانس شەفەق نیوز وت: ژنیگ لەداڵگبوی ساڵ ١٩٩٢ وە پەڕوو لەچک سار وەقەی قەواسەی ژوورەگەی خوەی دادە سێدارە، ئەوەیش لەناو ماڵەگەی لە ناوچەی راشدیە باکوور بەغدادی پایتەخت.
سەرچەوەگە دیاری کرد کە ژنەگە هویچ پەیامیگ وەجی نەیشتیە کە مدوو خوەیکوشتنی ئاشکرا بکەێد، و دەسەڵاتەیل لێکۆڵینەوە لە رویداوەگە واز کردن.
هەمیش لە بەغدا، سەرچەوەیگ ئەمنی خەوەردا کە دویەتیگ لە تەمەن ٢٠ ساڵان، لە ناوچەی نەهرەوان باشوور بەغدا خوەی کوشت.
سەرچەوەگە دیاری کرد کە دویەتەگە لەبان خانگ ماڵیان وە نەفت خوەی سزانیە.
وەگورەی قسەی باوان دویەتەگە، گەنجیگ لەبان سۆشیال میدیا ناسیە، و پەیمان خوازینی وەپی داگە، و دویای ئەوە دەرکەفت کە گشتی دروو بویە، کە هیشت دویەتەگە خوەی بکوشێد.
دەسەڵاتەیل ئەمنی لێکۆڵینەوە ئەرا رەسین وە بندروس رویداوەگە واز کردن.
