خوەیکوشتن فەرمانبەریگ حکومەتی لە دیالە

شەفەق نیوز/ سەرچەوەیگ ناوخوەیی، ئمڕوو یەکشەممە، خەوەردا لە خوەیکوشتن فەرمانبەریگ حکومەتی وە سزانن لەش خوەی لە پارێزگای دیالە.

سەرچەوەگە ئەرا ئاژانس شەفەق نیوز وت: فەرمانبەریگ لە تەندروسی دیالە، نیمەڕو ئمڕوو، سزەمەنی رشانە بان لەش خوەی و ئاگر خوەی دا، ئەوەیش لەناو ماڵەگەی لە ناحیەی بوهرز.

سەرچەوەگە وتیش: نشانەیل سەرتایی ئویشن فەرمانبەرەگە لەوەر کیچوڵ دەروینی خوەی کوشتیەر و تەرمەگەی ئەرا پزشک دادوەری بریا، و لێکۆڵینەوە لە رویداوەگە واز کریا.