خاسەوبوین ئەو بیمار تەو خۊنوەربۊنە لە هەولێر
شەفەق نیوز/ دکتۆر سامان بەرزنجی وەزیر تەندروسی، ئمڕوو چوارشەممە، خاسەوبوین ئەو بیمارە وە تەو خۊنوەربۊن راگەیان ک لە پارێزگای هەولێر توومار کریا.
بەرزنجی لە بەیاننامیگ ئمڕوو وت: یەک تویشهاتن دیاری کریا لە خەڵک شنگال لە ئیدارەی ناوچەی زاخۆ، گومان لە تەو خۊنوەربۊن لەلی کریاگە، و ئەرا شار دهۆک کلی کریا.
وتیش: لەوەر بڵاوبوین پیشەی سەربڕین ئاژەڵ و نشانەیل تەو خۊنوەربۊن، ئەو تویشهاتنە ک گومان لەلی کریاگە، ئەرا خەسەخانە کلکریا، و تا ئیسە تەندروسیی جیگرە و چارەسەری وەردەوامە.
لەباوەت ئەو تویشهاتنە وە تەو خۊنوەربۊن لە هەولێر، وەزیر وت: دویای وەرگرد چارەسەری تەواو، ئەرا ماڵ خوەی گلەو دریا.
وەرجەیە، لە دەی مانگ ئایار، وەڕێوەبەرایەتی گشتی تەندروسی هەولێر، یەکەم تویشهاتن وە بیماری تەو خۊنوەربۊن راگەیان، ئەرا هاووڵاتییگ خەڵک شار هەولێر لەتەمەن ١٧ ساڵان.
