تکریت و بەغدا.. هیزگردن ئاگر لە کۆمەڵگەی پزیشکی و مۆلیدەیگ کارەبا

شەفەق نیوز ـ سەلاحەدین/ بەغدا

سەرچەوەیگ لە وەڕێوەبەرایەتی وەرگیری شارستانی پارێزگای سەڵاحەدین، ئمڕوو شەممە، خەوەردا لە هیزگردن ئاگر لەناو کۆمەڵگەیگ پزیشکی ل کویچەی قادسیەی ناوڕاس شار تکریت، و هەمیش هیزگردن ئاگر لەناو مۆلیدەیگ کارەبا لە بەغدا.

سەرچەوەگە وە ئاژانس شەفەق نیوز وت، "تیمیگ وەرگیری شارستانی دەسوەجی لەدویای خەوەردارکردنی  رەسیەس ئەرا شوین ئاگرەگە، و توەنستیە بڵویزەی ئاگرەگە کپەوبکەێد و نواگیری لە درویژەوبوینی ئەرا بینایەیل دەوروگەری بکەن".

وتیش "رویداوەگە هویچ کەلەمەداریگ نەداشتیە، لە زەرد رەسانن مادی وەناو کومەڵگەگە سنووردارەو بویە" دیاریکرد " ت ئیسە لێکۆڵینەوە لە هووکار هیزگردن ئاگرەگە وەردەوامە".

کۆمەڵگە پزیشکیەگە وە یەکیگ لە دیارترین سەنتەرەیل تەندروسی شارەگە دانرێد و کەفێدە کویچەی قادسیە،  رووژانە دەیان کس سەردانی کەێد.

لە بەغدایش، سەرچەوەیگ ئەمنی وە ئاژانس شەفەق نیوز خەواردا "رویداو هیزگردن ئاگر گەپیگ لەناو مۆلیدەیگ کارەبایی لە نزیک پەیل سەرافیە لەلای کەرخ هیزگردیە".

وتیش "ئاگرەگە فراوانەوبویە 3 مۆلیدە ودوو ماشین مەدەنیەیل سزانیە، وەرد ماڵیگ نزیک مۆلیدەگە وەبی ئەوەگ باس لە زەخمداری بکرێد".

وتیش، "کۆنترۆل ئاگر ماڵەگە کریاس، تا ئیسەش تیمەیل وەردەوام لە نواگیری   فروانبوین رویبەرەگەی.