بەغداد .. کوشیان و زەخمداری لە ئەنجام تەقەکردن لە بەغداد

شەفەق نيوز - بەغداد 

فەرماندەیی ئۆپراسیۆنەیل بەغدا، ئمڕوو جمعە، خەوەردا لە کوشیان کەسیگ و زەخمداری کەسیگ ترەک لە ئەنجام وەردەوەردەیگ رەسیە تەقەکردن لە شار شوعلە لەدیم کەرخ بەغدای پایتەخت، وتیش: رویداوەگە لە ئەنجام مەرافەیگ لەبان پویل بویە.

فەرماندەیەگە لە بەیاننامەیگ وت: هیزیگ هاوبەش لە فیرقەی دویەم و پولیس فیدڕاڵی و پولیس کەرخ رەسینە شوین رویداوەگە.

 وتیش: دویای لێکۆڵینەوەی سەرتایی و گردەوکردن زانیاری رەسینە یەکیگ لە تاوانکارەیل و دەسگیر کریا و چەک تاوانەگە وەپیەو گریا، و دریا دەس لایەنەیل پەیوەندیدار، دویای ئەوە کە کەسوکارەیل قوربانیەگە سکاڵای یاسایی لەبانی توومار کردن.