بەغداد.. کوشیان کەسیگ لە مەرافەیگ چەکداری و خوەیکوشتن ژنیگ

شەفەق نیوز ـ بەغداد

سەرچەوەیگ ئەمنی لە بەغدا، ئمڕوو شەممە، خەوەردا لە کوشیان کەسیگ لە مەرافەیگ وە وەکارهاوردن چەک، هەمیش ژنیگ لە رویداو ترەک لەری لەسێدارەداین خوەی کوشتیە.

سەرچەوەگەوە ئاژانس شەفەق نیوز وت، "وردەوردەی ناوەین دوو کەس رەسیەس ئەرا وەکارهاوردن چەک لە جویر دەوانچە، لە ئەنجام یەکیگ لە لایەنەیل مەرافەگە کوشیاس وئەوەکەش وایە".

وتیش؛ "زانیاریەیل دیاریکەن مدوو وردەوردەگە هووزانەس، و لە کویچەی سەفیر لە خوەرهەڵات پایتەخت رویدایە".

وتیش؛ " لە رویداو ترەک ژنیگ لەی هەڵواسین خوەی وە پەت بەسیای قێ پەنکەی قەواسەی ناو وتاقەگەی خوەیکوشتیە لە ناوچەی رەحمانیە".

وتیش؛ " هووکار خوەیکوشتنەگە تا ئیسە دیار نییە".