بەرزەوبوین نرخ دۆلار لە بەغداد و هەولێر
2022-07-31T07:55:52+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت، و لە هەرێم کوردستان بەرزەو بوی.
پەیامنێر ئاژانس شەفەق نيوز وت: نرخ دۆلار ئەمریکی، لە بۆرسەی کیفاح و حارسیە لە بەغداد، رەسیە ١٤٨٦٥٠ دینار عراقی وەرانوەر ١٠٠ دۆلار ئەمریکی.
دویەکە شەممە، نرخ ١٠٠ دۆلار ئەمریکی رەسیە ١٤٨٥٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە بەرزەو بوی، ک نرخ فرووشتن رەسیە ١٤٩١٢٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٨٢٥٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش بەرزەوبوین وەخوەی دی، ک نرخ فرووشتن رەسیە ١٤٨٧٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٨٦٠٠ دینار عراقی.
