بارستە وای سەردیگ کەشوهەوای عراق زینگەوکەێد
2024-08-01T08:51:12+00:00
شەفەق نیوز/ کەشناس عراقی عەلی جابر زیادی وت، وڵاتەگە کەمەکەم کەفێدە وەر بارستە وایگ لە ئیوارەی ئمڕوو پەنجشەممەەو، وەگەردیا مەزەنەکرێد پلەی گەرمی دوو پلە دابوەزێد.
زیادی وە ئاژانس شەفەق نیوز راگەیان، وای باکوور خوەرئاوا وە تونی 40 كم/س گورجەو بوود، وە تایوەت لە پارێزگایەل عەممارە و واست و موسەنا، کە بوودە هووکار بەرزەوبوین تەپوتوز ناوخوەییگ.
دیاریکرد پلەی گەرمی نیمە ئاساییگە، مەزەنەکرێد لەناوەین 43 و 47 پلەی سەدی بوود لەناوچەیل ناوڕاس و باشوور ، لەباکوور و خوەرئاوای وڵاەگە کەمتربوود.
دیاریکرد، کاریگەری بارستە وای سەردەگە چوار رووژ وەردەوام بوود لە نیمەی هەفتەی ئایندە پلەی گەرمی کەمەکەم دەسکەێدەو وە بەرزەوبوین.
