په‌مپيۆ شايه‌تى له‌باره‌ى سياسه‌ت ئه‌مريكا وه‌رانوه‌ر عراق و ئيران ئه‌ياد
2020-01-29T08:47:05+00:00
شه‌فه‌ق نيوز/ ليژنه‌يگ له ئه‌نجومه‌ن نوێنه‌ره‌يل ئه‌مريكى ك ديموكراته‌يل زاڵن له‌بانى، ئه‌وه ده‌رخست ك ره‌سيه‌سه ريككه‌فتنيگ وه‌ل مايك په‌مپيۆ وه‌زير خارجيه ئه‌را شايه‌تيدان له دانيشتن گشتى له‌باره‌ى سياسه‌ت ئه‌مريكا وه‌رانوه‌ر عراق و ئيران، دوياى هه‌ڕه‌شه وه چڕينى وه‌بوونه‌ى ئاماده‌بوين له‌وه‌رده‌م ليژنه‌گه له وه‌خته‌يل زويتر.
له‌ى باوه‌ته‌و، ئه‌ليوت ئه‌نجڵ سه‌رۆك ليژنه‌ى كاروبار خارجى له ئه‌نجومه‌ن نوێنه‌ره‌يل ئه‌مريكى، ئاشكراى ئه‌وه كرد ك باس وه‌ل په‌مپيۆ كردگه و ئه‌ويش رازى بويه له‌بان ئاماده‌بوينى له دانيشتنيگ له‌باره‌ى دانيشتن ساڵانه‌ى بودجه ك له‌لايه‌ن ليژنه‌گه‌وه ساز ئه‌كريه‌ێد.
جى باسه، ئه‌نجڵ له به‌ياننامه‌يگيش ئاشكراى ئه‌وه كرد ك وه‌ى نزيكه‌يله واده‌ى ئه‌و دانيشتنيشه ئاشكرا ئه‌كا.
