هشکەساڵییگ میژووی دەێدە زیاتر لە ١٠٠ ناوچەی فەرنسا
شەفەق نیوز/ سایت "فرانس ٢٤" خەوەری، ئمڕوو شەممە، خەوەردا ک زیاتر لە ١٠٠ ناوچەی فەرەنسا زیان لە هشکەساڵی بیوەرینیگ وەخوەیان دوینن، و کەمی لە ئاو نووشین.
سایتەگە لە زوان کریستۆف بیشو وەزیر ئاڵشتبوین ژینگەی فەرەنسا وت: ١٠٠ ناوچە لە فەرەنسا ئاو نووشین نەیرن وزیان لە هشکەساڵی میژوویگ هەکاتی دەوڵەتەیلیگتر ئەوروپایی وەخوەیان دوینن.
دووپات کرد ک فرەی ناوچەیل زیان لە کەمی لە ئاو نووشین وەخوەیان دوینن، و ئاو وە تانکەر ئەرایان بەشەو کریەێد، ک هویچ لەناو جووەیل نەما، و مەرج خریاسە بان سەختەوکردن چەن ریکاریگ.
فەرەنسا لە ٩٣ ناوچە لە بنچینەی ٩٦ ناوچەی کەفنە ژیر ریکارەیلیگ ئەرا وەکارهاوردن ئاو وە پلەیل جیاواز، و ٦٢ ناوچە کەفتنەسە قەیران.
دەوڵەتەیلیگتر لە یەکێتی ئەوروپا، ئەوانیش هەکاتی فەرەنسا زیان لە شەپوول گەرمی و هشکەساڵی بیوەرینیگ وەخوەیان دوینن.
لەلای خوەییش، دەسەڵات هۆڵەندا، چوارشەممەی گوزەشتە، کەمبوین سەختیگ لە ئاو راگەیان، و نوقڵانەی ریکارەیل نوویگ دان.
