نەتەوە یەکگرتگەیل: ٢٣٤ کوشیان و زەخمداری لە هایتی

شەفەق نیوز/ نەتەوە یەکگرتگەیل راگەیان، جەنگ چەتەیل لەناو شوینە نەدارەیل لە ناوچەی بور یا برنس پایتەخت هایتی، بویە هووکار کوشیان و زەخمداری ٢٣٤ کەس لەلای کەمەو، لەناوبەین ٨ و ١٢ی تەمووز.   

ئەو کارەیل کوشتن وبڕینە لە هایتی وەگەرد گرانی بازاڕ وکەمی سوتەمەنی هاگ، ک وەزوی ئارامی و ئاسایش شیوان، و ئاژانسەیل فریاکەفتن ئویشن: ری ئەرا چەن شوینیگ نییە لەوەر ئەو کردەوەیل رخبەرە. 

مۆموزا موهیندۆ وەرپرس شاند ریخریاگ پزشکەیل بیسنوور ئەرا ئاژانس فرانس پرێس وت: ریخریایەگە هەر رووژیگ ١٥ نەشتەرگەری لە زەخمدارەیل ئەو کارەیلە کردنە، وتیش: مەیدان جەنگ راسییگ بوی، و مەزەنەی شمارەی کوشیایەیل نیەکریەێد.  

گەڕەک "سیتی سولای" رویوەرویبوین دوو باند وەخوەی دی، ک پۆلیس پایتەخت دەرەقەتیان نەهات، و خەڵکەگەیش لەناو ماڵەیل خوەیان گیر هاتن، ونانیش وەدەسیان نەکەفت.