لەوەر نقوومبۊین بەلەمیگ ٤۳ کەس گیان لەدەسدان
2022-01-18T12:42:57+00:00
شەفەق نیوز/ لەوەر نقوومبۊین بەلەمیگ لە نزیک کناراوەیل تەرفایەی باشوور مەغریب، ٤٣ کوچبەر گیان لەدەسدان و ١٠ کووچبەریش رزگارکریان.
قسەکەر رێکخریاگ کامیناندۆ فرۆنتێراسی تایبەت وە چەودێریکردن بەلەم کۆچبەرەیل راگەیان، لە نزیک کناراوەیل تەرفایەی باشوور مەغریب بەلەم کۆچبەرەیلە نوقمبۊیە، ک زیاتر لە ٥٠ کووچەر لەناوی بۊیە، ٤٣ کەس خنکیانە و ١٠ کەسیان رزگارکریانە.
ئاشکەرایش کرد، ئەو کووچبەرەیلە تۊستنە لە مەغریبەو خوەیان بڕەسنە ئیسپانیا، تا ئیسە تەنیا تەرم دو کەس لەو ٤٣ کەسە خنکیایە پەیا کریاگە.
