زەویلەرزەیگ وەتونی ٥ پلە دەێد لە کالیفۆڕنیا
2024-08-12T21:17:45+00:00
شەفەق نیوز/ ناوەند زانستەیل جیوڵۆجی ئەڵمانیا، خەوەردا کە ئمڕوو دووشەممە، زەویلەرزەیگ وەتونی ٥.٠٤ پلە داد لە باشوور کالیفۆرنیا.
ناوەندەگە وتیش؛ زەویلەرزەگە وەقویلی ١٠ کیلۆمەتر بویە.
خەڵکەگە لە ناوچەیل لۆس ئەنجلس خەوەردان کە لە زەویلەرزەگە وە قایمی ئاگادار بوینە.
ئی زەویلەرزە دویای کەمتر لە هەفتەیگ تیەێد لە زەویلەرزەیگ ٥.٢ پلە لەبان پەیمانەی ریختەر لە باشوور کالیفۆرنیا، و خەڵک لۆس ئانجلەس لەلی ئاگادار بوین، و زەخمداری و زەرەد گەورە لەلی نەویەو.
دەسەی کەشناسی نیشتمانی دیاری کرد کە مەزەنە نییە کە تسۆمامی روی بیەێد.
سەنتەر زەویلەرزەگەی ئمڕوو لە نزیک گەڕەک هایلاند پارک بوی لە لۆس ئانجلەس.
