تەرم 160 کەس لەژیر بینا رمیاگەیل غەززە دراوریا
2023-11-29T14:03:20+00:00
شەفەق نیوز/ لە ماوەی 24 ساعەت گوزەشتە شمارەی ئەو کەسەیلە لە ئەنجام پەلامارەیل غەززە کوشیانە 160 کەسەستر زیایکرد کە لەژیر رمیاگەیل بوین.
نویسینگەی راگەیانن حکوومەت لە غەززە، لە بەیاننامەیگ دیاریکرد شمارەی ئەو کەسەیلە لە پەلامارەیل ئیسرائیل وەبان غەززە کوشیانە 15 هەزار کەس رەدکردیە کە فرەیگیان ژن و مناڵن.
لە بەیاننامەگە باس لەوە کریاگە لەماوەی 24 ساعەت گوزەشتە تەرم 160کەستر لەژیر بینا رمیاگەیل دراوریانە کە وە پەلامارەیل ئیسرائیل رمیانە.
ئاشکەرایکردیە تیم وەرگیری شارستانی بڕیگ کەم ئامێر و کەرەستەیل لەوەر دەسیان بویە ئەرا کارکردن، یەیش توانای تیمەیلە سنووردارکردیە لە مینەکردن و پەیاکردن و دراوردن تەرمەیل.
