ترەمپ کەفێدە نوای هەفت توومەت

 ترەمپ لە هەژمار خوەی لە ماڵپەڕ Truth Social نویسان: ئیدارە گەندەڵەگەی بایدن پارێزەرەیل من ئاگادار کردگە ک توومەتبار کریامە، دیارە لەوەر (بەڵگەنامە درووکانی) سندوقەیل، هەرچەن جۆ بایدن ١٨٥٠ سندوق لە ویلایەت دێلاوێر، و گەڕەک چینی لە پایتەخت، و لە  پێنسیلڤانیا دیرێد، بەڵگەنامەیل چویچیانە بان زەوی گەراجەگە ک لەورا ماشین کۆرڤێتەگەی وسیاگە، تەنیا لە دەرگای گەراجیگ تەنگ بەسیاگە ک فرەی وەختەگە وازە.

وتیش: من داوا کریامە بچمە  دادگای فیدراڵی لە میامی رووژ سێشەممە، ساعەت 3ی دویای نیمەڕو، هەرگیز هویر لەوە نەکردمە کە چشتیگ وەیجویرە باێدە سەر سەرۆکیگ وەرین ئەمریکا، ک لە میژوو وڵاتمان دەنگ فرە زیاتر لە هەر سەرۆکیگ ئیسە وەدەس هاوردیە.

 سەرۆک وەرین ئەمریکا لە کۆتایی وت "من پیاویگ بیتاوانم، وەڕاسی رووژیگ تیریکە ئەرا ویلایەتە یەکگرتگەیل ئەمریکا، ئیمە وڵاتیگین لە رەوش رخبەریگ و زوی داوەزیمن، بەڵام وەیەکەو جاریگتر ئەمریکا گەورە بوود".

ترەمپ وتیش: ک توومەتەیل لە بنەمای بەڵگەنامە نهێنیەیل بویە ک لەلایەن FBI لە مەوقەی مینەکردن عەقار مار-ئە-لاگۆ لە فلۆریدا دەس نریاسە بانیان.