ترەمپ: بایەسە دەسوەجێ قەیران مرۆیی لە ئیران بووسیەێد
شەفەق نیوز- واشینتۆن
دۆناڵد ترەمپ، سەرۆک ئەمریکا، ئمڕوو سێشەممە، باس ئیران کرد وە "شکەستخواردگ" کرد و "بیتواناس" ئەرا داین مووچەی کەرتەیل فراوانیگ لە سوپاگەی، و داوا کرد ئی قەیران مرۆییە "دەسوەجێ" بووسیەێد.
ترەمپ لە پۆستیگ لەبان سەکوو "تروس سۆشیاڵ" نۊسان، "کۆمار ئیسلامی ئیرانی شکەستخواردگ مووچەی کەرتەیل فراوانیگ لە سوپاگەی نیەێد، لە وەختیگ خوەینشاندەرەیل کوشێد -تەنانەت وەختیگ خوەینشاندان نیەکەن- وە ئاستەیلیگ کە وەرجە یە نەیمنەسەی، ئەوە قەیرانیگ مرۆییە وە قەوارەیلیگ گەورە، و بایەسە هەر ئیرنگە بووسیەێد".
گەنجینەی ئەمریکی، ئیوارەی دۊکە دووشەممە، دەسکردن وە "پرۆسەی پەراویزخریاگ ئابووری" دژ وە ئیران راگەیان، کە هەڵمەتیگ سزایەیل وەسف کریاگە وە "بیوینە کە دامەزراوەیل حکومەت ئەمریکی گرێدە خوەی، و ئیران و هەر کەسیگ کە توانای دەێد و پاڵپشتیی کەێد کەێدە ئامانج" وەپای گەنجینەگە.
