ترامپ "گەپترین گیچەڵ" لەبارەی ئیران دیاری کەێد

شەفەق نیوز - واشنتۆن

سەرۆک ئەمریکی دونالد ترامپ راگەیان،  "گەپترین گیچەڵ"  تویش بوود ئەوەسە کە کەس نیەزانێد کی وەڕێوەبەرایەتی ئیران کەێد، وەپای ئاژانس "رویتەرز".

ترامپ راگەیان. "دویەم کۆمەڵە لە سەرکردەیلیان لەدەس چگن، و گەپترین گیچەڵ کە رویوەروی بوم ئەوەسە کە کەس نیەزانێد کی وەڕێوەبەرایەتی وڵاتەگە کەێد".

لەبان دەسلەکارکیشان وەزیر نەفت ئیرانی محسن پاک نژاد، ترامپ وت:  ناوبریاگ دەس لە کار کیشارە، دویای ئەوەگ ئاشکرابوی  وڵاتەگە نە نەفت دێرێد و نە ئابووری و نە هویچ چشت ترەک.

ترامپ دوارە دووپات کرد  ملیۆنەها بەرمیل نەفت لە رێڕەو گەرووی هورمز رەد بوینە لەماوەی دوو رووژ گوزەشتە، و "دۆخ ئەمریکا خاسە، و دۆخ ئیران بەدە".