بینتاگۆن تویشهاتن ئۆستن وە بیماری شێرپەنجە راگەینێد
2024-01-10T06:31:13+00:00
شەفەق نیوز / پنتاگۆن راگەیان که لۆید ئۆستین وەزیر وەرگری ئەمریکا چارەسەری شێرپەنجەی پرۆستات ئەرای دەرچوود، دویای ئەوەگ وەجە چون رووژیگ کۆشک چەرمگ ئاگاداری بڵاو کرد کە لە خەسەخانە خەفتیە.
پنتاگۆن وتیش: "شێرپەنجەی پرۆستات زوی پەیا کریاس و مەزەنەیل فرە خاس بوین"، بەڵام دویای ئەوە لەوەر "ئاڵۆزییەیل"ەوە ناچاربوی بخریەێدە بەش چەودیاری هویرد،.
سەنتەر پزیشکی سەربازی نیشتمانی واڵتەر ترەید لە ئەمەریکا بڵاو کرد کە لۆید ئۆستین (70 ساڵ) وەزیر وەرگری ئەمریکا لە 22 کانون یەکەم نەشتەرگەری ئەرای کریاس، دویای ئەوەگ لە وەشکینەگە دەرکەفت کە تویش شێرپەنجەی پرۆستات هاتگە.
پزیشکەیل راگەیانن کە وەرگردن نهێنی ئی دواییەی لە خەسەخانە ئەرا ئەنجامدان نەشتەرگەری بویە و دویاتر چارەسەرکردن هەوکردن لویلەی میز بویە کە پەیوەندی وەی نەشتەرگەرییە دیرێد.
ئۆستین دویای هەفتەیگ تویش ڤایرۆسەگە هات، وەرپرسەیل باڵای ئیدارە و وەرگرییش تا ماوەی چەن رووژیگ ئاگادار خەواندنەگەی نەکرد لەباوەت بیماری لە خەسەخانە یا شێرپەنجە.
