کابرایگ خوەی کەێدە شیت و چودەو ناو تەلەڤزیۆن میسری

شەفەق نیوز/ دەسەی راگەیانن نیشتمانی لە وڵات میسر، ئمڕوو دووشەممە، خەوەردا ک کابرایگ هاتیەسە ناو بینای ئیزگە و تەلەڤزیۆن میسری (ماسبیرۆ) و یەکیگ لە فەرمانبەرەیل پەیوەندی گشتی زەخمدار کردیە، و ئاژاوە لەناو بیناگە ناسەو.

حسێن زێن سەرۆک دەسەگە ئەرا سایت قاهیرە ٢٤ وت: کابرایگ خوەی کردیەسە شیت چیە ناو بیناگە، ودەسکردە قیڕە لەناو پرسگەگە گوایە لەناو بەڕنامەی ماسبیرۆ لەپەخش زنی خراو وە خوەی و خانەوادەی دریەێد، و خوازێد بزانێد یانە کیین ک خراو وەپی دەن، و ژاوەژاویگ دروس کرد.

وتیش: ئەو کابرا چشت تیژیگ (کەتەر) لە گیرفانی دراورد و هەڕەشەی فەرمانبەر وپاسەوانەیل دا، و پاسەوانەیل توەنستن دەسوەسەری بکەن، و یەکیگیان باڵی زەخمدار بوی.

دیاری کرد ک ئەو کابرا دەسگیر کریا، و دەرکەفت ک گەنجیگ لەناو تەمەن بیس ساڵان، و بەڵگە وەپی نەویە.