تەمەنی ٦٤٠ ساڵە.. پەیاکردن قەڵایگ لە ژیر هۆتێلیگ ناودیار فەرەنسی

قەڵای "Château de l'Hermine"، لەلایەن جۆن چوارەم فەتحکەرەو لە ساڵ ١٤٨٠ دروسکریاس.  کەفێدە ژقر حەوش هۆتێل "لاگۆرس" کە ناو خاوەنەگەی بردیە.

لە بەیاننامگ رووژنامەوانی پەیمانگای نیشتمانی ئەرا توێژینەوەی شوینەواری خویپاریزی (INRAP) ئاشکرا کردگە، چاڵکەنین لە ناوەین وەهار و پاییز ساڵ ٢٠٢٣ ئەنجامدریان، شوینەوارناسەیل سەرسام بوین لەوە کە جیماگەی قەڵاگە چەن تەواو و تاڕادەیگ خاس مەنیە.

 لە بەیاننامەگە ئاشکرا کرد کە چاڵکەنین "کەمکەم نەخشەی ژوور خوار ئاشکرا کردگە: ماڵ دۆک کە درویژییەگەی ٤٢ مەتر و پانییەگەی ١٧ مەترە، دیوارەیل پانیگ دیر." جۆن چوارەم، لەناوی بویە.

لە بەیاننامەگە وتیش: "ڕاستەوخۆ لەشانی تونێیلیگ کانییە، لە خوەرئاواییش وەو شوینە دەورە دریاس کە هاتێ وەپی بویشن تاوەرید چوارسویکە."

 توێژەرەیل چەن پاچینەیگ پەیا کردنە کە یەکیگیان “پاچینەیگە وە ئەڵاجەوی مقەیتی کریاس، کە ناوەکی ڕازیاس و سێ گام پلە دیرێد”.

بیجگە لەوەیش، چاڵکەنەیل دەیان چشت پەیا کردن کە "پەیوەندی وە ژیان رووژانەی قەڵاگە دیرێد" لەوانە پویل و چشتەیل ئاشکردن و چشتە گرانەیل.

هەرلیوا شوێنەوارناسەیل کاشی دیوار پەیا کردنە کە وە نویسانن پووشیانە، و قوفڵ مۆبیلیات و پارچە پڕتال پەیا کردنە.

پەیمانگاگە لە بەیاننامەگە ئاشکرا کرد کە "یەکسانی ئەو کەرەستەیلە کە ئەرا دروسکردن قەڵاگە وەکار هاوردنە شارەزایی لە ەەڕێوەبردن شوینەگە نیشاندەێد."