تیشەی برۆنزی باس شارستانیەت وەرجە ٥ هەزار ساڵ لە رووسیا کەێد

شەفەق نیوز/ زانایەیل ئاسەواری، تیشەیگ سەردەم برۆنزی لە شوین هەڵکەنی (ترويتسكی) لە شار فيليك نوفغورود باکوور خوەرئاوای رووسيا پەیا کردن، چوودەو ئەرا نزیکەی 5 هەزار ساڵ.

رووژنامەوانی موزەخانەی  نوفگورود وت: زانایەیل لە شوین هەڵکەنین (ترويتسكی) تیشەیگ پەیا کردن چوودەو ئەرا سەردەم برۆنزی، و ئی پەیاکردنە کە تەمەنی 5500 ساڵە، لەناو جیماگەی رمیان نانەواخانەیگ پەیا کریا، هن سەدەی یانزەس.

دیاری کرد کە ئی تیشەیلە جویر چەک سەربازی و ئامراز راوکردن وەکاریان هاوریاس.

 مارك ستيبانوف توێژینەر لە موزەخانەی نوفگورود وت: دیارە دانیشتگەیل نوفگورود لە سەدەی11 نەزانستنە هن ئایەم کویەنەس، و لە بیناکردن نانەواخانەگە وەکاری هاوردنە.

وەرجەیە، لە شوین هەڵکەنین (ترويتسكی) تەشی و بەشیگ لە سەرەتەشیەگە پەیا کریا، کە چوودەو ئەراک سەدەی دوانزە.

سەرچەوەیگ لە موزەخانەی نوفگورود وت: ژنەیل نوفگورود مقیەتی سیستەم خیزانی خوەیان کردنە و کارەیل دەسی کردنە. 

جی باسە کە شوین هەڵکەنین ترويتسكی لە ساڵ ١٩٧٣ دەسوەپی کریا، وەلایەن شاند ئاسەواری نوفگورود.