وە هویردی پڕۆژەی (پەروەردەی دیدگا) لە “سۆران” بزان

خوازینە دابینکریایەیل یانە بوین:

 گەرمکەر نەفت تۆربۆ، تەختە سیا، دووڵاب کانزایی ئەرا ئیدارەی مەکتەوەیل، کۆمپیوتەر (لاپتۆپ)، ئامێر پرۆژێکتۆر، هوونککردن هەوا، سێت کەرەستەی وەرزشی و خوازین ئەرا باخچەی ساوایان، و بڕ گشتی ئەو چشتەیلە رەسیە (٤ هەزار).

ئەو مەکتەوە و باخچەی ساوایانە کە لە رەی جوگرافییەو دەستپیشخەرییەگە گرێدەیان لەی ناوچەیلە بەشەو کریان:

(مێرکە سور)، (١٧٦)، سۆران (١١٠)، چۆمان (٦٦)، خەلیفان (٦٣)، سیدکان (٥٣)، رەواندز (٤٤).

دابینکردن ئەو خوازینەیلە ئەرا زیاتر لە (500) مەکتەو حکومەتی لە سنوورەیل ئی ناوچە بوی، سوودمەنبوین زیاتر لە 70 هەزار خوەنەوار و ئیدارەی مەکتەوەیل، گامیگ گەورەی ترەک ئەرا کۆمپانیاگە ئەرا خزمەتکردن خەڵک هەرێمە، و پەرەپیدان کەرت پەروەردە وە گشتی لە هەرێم کوردستان.

ئامانج لە هەڵوژاردن ئی بوارە گلەو خوەێد ئەرا بڕیگ هوکار سەرەکی لەوانە:

 1-فرەی دانیشتگەیل و سودمەنەیل  پڕۆژەگە خەڵک نەدار و کەمدەرامەتن کە وەدەس رەوش دارایی لاواز و مامناوەندەو ناڵن.

 2- وە گشتی لە روانگەی جوگرافییەوە، ناوچەیگ کوێە دویرەدەسە و رووبەریگ فراوان دیرێد کە کەفێدە بان ناوچەی سنوور هەردگ وڵات ئیران و تورکیا.

3- رەوش مەکتەوەیل هەرێم وە گشتی وەدەس ئاستیگ بەد ناڵن و  پاڵپشتی فرەیگ خوازن ئەرا نووەوکردن کەرت پەروەردەیی لە هەرێم، و لە گوزەشتەیش یەکیگ بویە لەو هوکارەیلە کە دانیشتگەیل ناچار کردیە بچنە دەیشت و بچنە شارەیل ترەک لە ناوچەگە وە ئامانج وەدەسهاوردن ژینگەیگ پەروەردەیی و ئەکادیمی خاستر ئەرا مناڵەیلیان.

 4- لە روی دیمۆگرافی و سیاسەتەو دانیشتگەیل هەرێم هەمەچەشنن و سودمەنەیلیش لە فرەی چین و توێژ و ئایینەیل بی جیاوازیین و یەیش یەکیگە لە ئامانجە سەرەکییەیل کار و دەستپیشخەرییەیل پڕۆژەگە.

 5- ئەرا وەرگریکردن لە خاک و نیشتمان، دانیشتگەیل ناوچەگە وە درویژایی میژوو هەمیشە لە بەرەیل وەردەم قوربانیدان بوین وەخاتر رەسین وە سەروەخوەیی و پاراستن هەرێم کوردستان لە پەلامارەیل دوژمن.

زانیاری لەباوەت (Vision Education):

 کۆمپانیایگ پیشەنگی ناوخوەییە لە بوار پەروەردە و خاوەن چەن دامەزراوەی خوەنەواریە، لە ساڵ ٢٠١٨ لە شار هەولێر دامەزریایە، و کار ئەرا دەسەوەرکردن ئاڵشتکاری ئەرێنی و گەشەپیدان وڵات کەێد لەڕی پەروەردەوە، لە بوار پەروەردە هەمیشە کۆمپانیاگە بەشدارە لە بیناکردن ژینگەیگ گونجیاگ ئەرا خوەنەوارەیل لە هەرێم کوردستان وە بیناکردن و خاسەوکردن چەن مەکتەوەیلیگ حکومەتی و ئەهلی و رەسانن دەسمیەتی وە خوەنەوارەیل کە پایەی بانان میللەتن.

لەبوار خوەنستن باڵا کۆمپانیاگە تا ئیسە هاوکاری فرەیگ لە زانکۆ ئەهلی و حکومییەیل هەرێم کوردستانی کردیە لەوانە زانکۆی کوردستان و زانکۆی کاسۆلیکی هەولێر و زانکۆی زاخۆ و زانکۆی سەلاحەدین و ئمساڵ  پلان دیرێد ئەرا رەسانن هاوکارییەیل ئەرا ئاستیگ زیاتر.

 کۆمپانیاگە توەنستیە تا ئیسە سکۆلەرشیپ بیەێدە سەدان خوەنەوار ئەرا درویژەداین وە خوەنستن لە ناو و دەیشت هەرێم کوردستان و یەیش وە هەڵگردن خەرج خوەنستنە وەخاتر خزمەتکردن وڵات دوایی تەواوکردن خوەنستنیان وە سەرکەفتگی.  مەنیە دەسنشان ئەوە بکەیمن کە ئیدریس نێچیرڤان بارزانی دامەزرێنەر و سەرپەرشتیار کۆمپانیاگە و پڕووژە پیشەنگەگەیە.