ژنەیل عراق لەبان مێز ئاسایش ناودەوڵەتی.. چیرووک ژنیگ کورد ئەو ئەرکە وەڕیەو برد

خانم لەتیف، لە ناو کۆنگرەیگ رووژنامەوانی ک ئاژانس شەفەق نیوز ئامادەی بوی، لە سلێمانی، باس لە رەوش ژنەیل وە گشتی لە عراق و هەرێم کوردستان کرد، و وتیش: "رەوش ژنەیل عراق و ئەو سەختیەیلە لە نوایان، وەتایبەت چالاکوانەیل و کریکارەیل بوار ماف مرۆڤ و رووژنامەگەری."

 لە ناو دانیشتن ئەنجومەن ئاسایش ک لە ١٨ی ئایار وەڕیەو چگ، لەتیف زوور لەو رەوش رخبەرە کردەگە ک ژنەیل عراق وەپیا رەد بوون، و وەئامانجکردن چالاکوانەیل ژن لە ماوەی گوزەشتە، تەنانەت لە کوردستانیش، وەتایبەت گرفت ئەوانەگ لە  پرۆپاگەندا ئەرا (جێندەر) کار کردنە.

وتیش: داوا لە کۆمەڵگەی ناودەوڵەتی کردیە، لە ناو دانیشتنەکەدا، وەڕی سێ باوەت سەرەکی، گشت دەرکەفتیل تونوتیژی لەبان ژن چارەسەربکەن، یەکەمیان مقیەتیکردن یاساییە لە تونوتیژی دژوە ژن، بەشداری سیاسی ژنەیل، قایمکردن ئەرک نویەنەرایەتی نەتەوە یەکگرتگەیل لە عراق.

وتیش: لەماوەی ئەو هەشت خولەکە تەقەلا داگە نموونەیگ لە رەوش ژنەیل عراق و ئەو چارەسەرەیلە بخەێدە روی ک بایەت  ئەرا خاسترکردن رەوش ژنەیل بوود.

خانم لەتیف، سەرۆک ریکخریاگ (ئاسودە)، "پێشنیاریگ هویرد لەبان واقیعی ژنەیل عراق پێشکەش کرد لەوەردەم ئەنجومەن ئاسایش نەتەوە یەکگرتگەیل لە 18ی ئایار 2023 وەڕیەو چگ، ک لەناوی  سەختیەیل وەردەم ژنەیل لە عراق پێشکەش کرد و بانگەوازی کرد". لەبان کۆمەڵگەی نێودەوڵەتی ئەرا پەیاکردن چارەسەر ئەرایان." 

خانم رەحیم لەتیف، لە 1 کانوون دویەم 1969 لە شار سلێمانی لەداڵگبویە، چالاکوانیگ لیبڕاڵی ماف ژنەیلە لە هەرێم کوردستان، تەقەلا دەێد وەرگری لە یەکسانی و مقیەتیکردن ئەو ژنەیلە بکەێد ک لە تونوتیژی جێندەری و کوشتن شەرەف  بوونە قوربانی.

خانم خاوەن بڕوانامەی بەکالۆریۆسە لە یاسا و زانستەیل سیاسی لە ساڵ ٢٠١٤-٢٠١٥ لە زانکۆی گەشەپیدان زانستە مرۆییەیل لە قەرداغ لە شار سلێمانی دەرچگە، هەرلیوا بڕوانامەی دبلۆم لە پراکتیکی کار کۆمەڵایەتی لە زانکۆی کانتربێری کڵێسا لە بەریتانیا لە ساڵ ٢٠٠٦ وەدەس هاوردگە.

لە ساڵ 2000 پەیوەندی وە بزووتنەوەی ماف ژنان لە هەرێم کوردستان کرد، لە ساڵ 2002 یەکەم سەنتەر مقیەتیکردن ژنەیل دامەزران ئەرا دابینکردن پەناگەیگ ئەرا قوربانیەیل تونوتیژی جێندەری و کوشتن شەرەف، جویر وەڕێوەبەر (ئاسودە) دەسنشان کریا، یەکەم سەنتەر مقیەتیکردن ژنەیل ریکخریاگ سەروەخوەی ناحکومی کار کەێد ئەرا وەرخودان تونوتیژی دژوە ژنەیل لە عراق، بارەگاگەی لە شار سلێمانییە.

خانم چەن نامیلکە و کتاویگ چاپ و بڵاو کردگە، هەرلیوا،  بەڵگە و ڕێککەفتننامەی ناودەوڵەتیی فرەیگ لە ماف ژن ئەرا زوان کوردی جویر (رێککەفتن سیداو) هەڵگەردان کردگە.

خانم  لە ساڵ ٢٠١٠ەو ئەندام کۆنگرەی نەتەوەیی کورد (کەنەکە)س، هەرلیوا ئەندام ریخریاگ وەخشتن ناودەوڵەتییە و لە چالاکییەیلی وەگورەی  بڕیارنامەی ١٣٢٥ی ئەنجومەی ئاسایشی نەتەوە یەکگرتگەیل - UNSCR1325 لە عراق و هەرێم کوردستان، و ئەندام دامەزرێنەر هاوپەیمانی پلان کاری نیشتمانی عێراق (INAP)ە وە بڕیارنامەی 1325.

خانم رەحیم لەتیف راویژکار سندوق جەهانی ژنانە ئەرا خوەرھەڵات ناوەڕاس و باکوور ئەفریقا، و ئەندام تووڕ هۆشیاری تونوتیژی لە بنەمای شەرەفە.

خانم لە هەڵوژاردن 2005 جویر کاندیدیگ سەروەخوەی ئەرا هەڵوژاردن ئەنجومەن نیشتیمانی (پەرلەمان) عراق هەڵوێژیا، هەرلیوا، بەشداری فرەیگ لە کۆنفرانس و وۆرکشۆپ و سیمینارەیل تایبەت وە ماف مرۆڤ و ماف ژنەیل وەتایبەتی لە بەغدا و شارەیلتر عراق کرد، و ئەویش بەشداریی لە فرەیگ لە کۆنفرانس و وۆرکشۆپ و سیمینارەەیل تایبەت وە ماف مرۆڤ و ماف ژنەیل کرد، هەرلیوا بەشداری لە هەڵمەتە تایبەتەیل کرد ک داوای تەرخانکردن 25%ی ئەرا بەشداری ژنەیل لە دەسەڵات یاسادانان/ئەنجومەن نیشتمانی عراق کەێد.

هەرلیوا، وە شیوەیگ وەردەوام  وە بەشداری له کۆنفرانس و بوونەیل ناودەوڵەتی  و ناوچەیی و ناوخوەیی له بان  ماف ژن و تودوتیژی سێکسی له عراق کردگه.

 لە ساڵ ٢٠١٤ دویای پەلامار داعش لە بان دانیشتگەیل ئێزیدی ناوچەگە، خانم هاوکاری کرد ئەرا مینەکردن ژنەیل رزگاربوی لە باڵەخانە چووڵکریاگەیل و پەناگە وەختانەیل، و ئەرای کەفتە دی ک داعش لەلای کەمەو دوو هەزار ژن لە مەوقەی پەلامارەگە رفانیە،  ک بەشیگ لە ژنە رفیاگەیل دەسکردنە وایین، خانم کەفتە مینەیان و (ئاسودە) چەودیاریکردن وەپیان پیشکەش کرد.

خانم زانست ک ژنەیل شکەنجە دریەن و فرووشیەن و دەسدرویژی سێکسی لەبانیان کریەێد، و ناچار کریەن کار بکەن و ئی دڕندەیەیلە لە ناوخۆ و جەهانی بڵاوبکەن، خانم لە ساڵ ٢٠٠٨ لەلایەن وەزارەت دەرەوەی ئەمریکا جویر کاندیدیگ ئەرا خەڵات ژن ویرەدار پەسەن کریا.

خانم لەتیف بەشدارە لە فرەیگ لە ریخریاگەیل ناودەوڵەتی و ناوخوەیی و راپۆرتەیل میدیایی لەبان پرس ژنەیل لە هەرێم کوردستان و عراق، وەردەوام جویر سەرچەوەیگ زانیاری لە مافەیل ژنان وەگەرد میدیایل ناودەوڵەتی قسە کەێد.