لە لیبیا چە گوزه‌رێ و لەی ململانە ئیمە هایمنە کاملا
هادی جەلو مەرعی/ خوەرهەڵات ناوڕاس، رۆمانیەگە ئەرا عەبدولڕەحمان مونیف، و پێشبڕکی روبەرە دریژەگان وەرەو خوەرهەڵات ناوڕاس رۆمنایگ ترە ئەرا مونیف، و هیمان پێشبڕکیەگە وەردەوامە، لەبان رەدبوین چەن ساڵیگ لە کۆتایی شیوەی داگیرکردنەگە ک خوەرهەڵات ناوڕاس گردەو، و چیە ناوی، تا بویە خەنینەیگ لە کار خوەرهەڵات ک سەرۆک جۆرج بوش وەختا نیاز داگیرکردن عراق داشت، و نیاز داشت پشتگیری ناودەوڵەتی گردەو بکەێد، پەیوەندی وە جاک شیراک سەرۆک فەڕەنسا کرد، وە تەلەفۆن نهێنییگ دویایی ئاشکرا بوی، و داوا لەلی کرد باێدە ناو هاوپەیمانیەگە ئەرا داگیرکردن بەغداد، و بەشیگ لە ئەفسانە ئاینیەگان ئەرای باسکرد لە هووز یاجووج و ماجووج، و نزیکبوین دەرچگنیان لە کویەیل ئۆزبه‌کستان، و هەڕەشەیان ئەرا ئایەمەیل، و سەرۆک شیراک نەفامست چ پەیوەندییگ هەس ناوبەین داگیرکردن بەغداد و هووز یاجووج و ماجووج، و خەریک بوی زانیاری لەو باوەتە گردەو بکەێد، ئەوە ک بەشیگ دانەنەی جوور رییگ ئەرا رەسینەوە لە ئەو مەغزە ک خوەرئاوا و ئەمریکا وئیسڕائیل وەرەو خوەرهەڵات جوولنێد، و گریەداین ئابووری و سامانەگان وە ئاین و چیرۆکە کۆنەگان.
لە لیبیا، ململانەی ترسناكیگ روودەێد، بەرژەوەنیەگان لەناوی تیکەڵ بوون، و دوژمنەیل بوونە هاوپەیمان یەکتر، تەنانەت هاوپەیمانیگ لە شوونیگ تر چوودە دژایەتی هاوپەیمانەگەی خوەی لەناو لیبیا، تورکیا و قەتەر و ئەمریکا رێککەفن دژوە تەمایل رووسیا لە خوەرهەڵات لیبیا وە پشتگیری حەفتەر لە بنغازی نزیک خوەرئاوای میسر، و چەوی هالە خوەرئاوا لە تەڕابلوس ک خوەرهەڵات تونسە، لە وەختیگ نیازەگان لە ناوچەیل جوورا جوور لە جهان و هەمان هێز و ئارازو جوولە کەن، تورکەگان ک هاوپەیمانی دیرن وەگەرد ئیخوان لیبیا و میسر و باکوور ئەفریقیا، تەقەلادەن هەماهەنگی وەگەرد ئیخوان یەمەن بکەن وە چراغ سەوزیگ لە هاوپەیمانەیلیان لەورا، و نزیکە کارەگە بوودە جەنگ گەورایگ لە ناوڕاس رووبەرەگە لەناوبەین خوەرئاوای لیبیا، و خوەرهەڵات وڵاتەگە لە سەرت پایتەختەگەی قەزافی، ومەمملەکەت پتڕۆڵ، و بەندەرە سەرەکیەگان وڵاتەگە، وەگەرد هەست گەورایگ لەناو میسر و هاوپەیمانە عەرەبەگانی وە نزیکبوین مەترسیەگە لە خاکەیل عەرەو وە هووی هاوپەیمانی تورکیا وئیخوان، لەبان چەنیگ دەسوەشیا لە ئیخوان میسر، بەڵکم دووپات نیە ک ئەوان توانایان نەمەن لە پەیوەندی کردن وەگەرد قەتەر و تورکیا، و وڵاتەیلیگ تر دژایەتی وەل ئەو دەوڵەتەیلە کەن، ک ئەنجومەن وەرگری نیشتمانی لە میسر مووڵەت دا سوپای میسری ئەرا وەناوچگن خوەرهەڵات لییا، و پاڵپشتی هێزەیل موشیر حەفتەر، و بردن قورسایەتی سەربازی قاهیرە ئەرا ئەولا، هەرچەن کارەگە شایەت بوودە پیلانیگ ئەرا لاوازکردن قاهیرە، و تەقەلای ئیماڕات لە رازیکردن سەرۆک رووسیا وە دابینکردن پووشانن ئاسمانییگ ئەرا هێزەیل میسر، ئەرا نواگردن ئەو هێزەیلە ک ئەنقەرە پشتگیری لەلیان کەێد، و خستنه‌رێ فرە لە جەنگاوەرەیل، و چەکەیل وەرەو سەنگەرەگان ک پێشبینیە روی وەڕویبوین لەتیان بوود.
دیارە دەوڵەتە عەره‌بیەگان لە ململانەی لیبیا نزیکترن ئەرا ریە راسەگە، وەتایبەت ک رووسیا و تورکیا و فەڕەنسا و ئەمریکا لەوەر سەرچەوەیل وزە تەکان خوەن، و دابینکردن دەسەڵات و بوینیان، و دیارە ئۆڕوپا نیگەرانە لە بوین رووسیا لە لای کەمەر باشووریەگەی، و واشنتون هەمیش نیگەرانە لەی تەکەودانە، و پاریس نێەخوازێد کامپ سەربازی تورکیا لە ماوا وەرینەگان خوەی لە ئەفریقیا بوینێد، هەمیش یۆنان وەیجوورە، ک وەناوچگن تورکیا لە نزیک قوبڕس دوینێد، و لە دوورگەی کریت جوور کاریگ رخبەر، و بایەسە بڕیار بەیمن وە گەرد کی بویمن، ئایا وەگەرد دەوڵەتیگ هەمیش جوور ئیمە کریاگەسە ئامانج، یا وەگەرد دەوڵەتەیلیگ سامانمان و بوین مێژووییمان و دویارووژمان کردنەسە ئامانج، و ئایا راسە ئەگەر پێروزبایی لە هاوپەیمانیەگان بکەیمن ناوبەین دەوڵەتەیل و رێكخراوەیل، یا بایەسە ئاوەدان دەوڵەتەیلمان بکەێمن، و نه‌یلیمن دەسوەردان بكریه‌ید لە باوەتەیلمان؟، مەرتسیەگە هاتگە، و ئیمە جوور هەمیشە هەر نووڕیمن.
