فەیلی ناوەین هویرمان و ستەم: لە ساڵیاد بارکردن و جینۆساید
لوقمان عەبدولرەحیم فەیلی/ لە یەکەم هەفتەی مانگ نیسان لە گشت ساڵیگ، ساڵیاد بارکردن زوورکاری و ئەو جینۆسایدە گلەو خوەێد کە کوردەیل فەیلی لە سەردەم رژیم بەعس تویشیان هاتن، تا زەخمیگ لەناومان بکولێدەو، و هەس وە پشتچووڵکردن بکەیمن، و رکدار بویمن کە ئەو نەهامەتیە لەهویرەو نەچن، و ناسنامەی کوردەیل فەیلی نەخریەێدە پەراویز، یادیگ کە جویر ئەو بوونەیلە نییە، بەڵکم وەهویرخستنە ئەرا گشت عراقیەیل وە لاپەڕەی تاریکیگ لە میژوو نوو عراق، کە ستەمکاری حکومەت سەدام، دەسی لەناو دەس، بیدەنگی، پەراویزخستن بوی، لەبان چینیگ رەسەن و ریشەدار لە نەخشەی نیشتمان، بەڵکم لەناو جوگرافیایی زەوی میزۆپۆتامیای کویەن.
کوردەیل فەیلی قات لەی خاکە بیگانە نەوینە، لەناو شار و ئاوایەیلی ژیان کردنە، و دەسمیەتی لە هەڵسان و بازرگانی و ئابووری و کولتووریی دانە، و هەر پیەڵیگ شارستانی ناوەین کویە و دووڵ بوینە، و ناوەین ئاوای و ناوەندەیل شارەیل، و ناوەین کورد و عەرەب، و ناوەین سوننە و شیعە، و ناوەین بازرگانی و زانست، و ناوەین کەلتوور گشتی، و دامەزرانەیل حزبەیل، وەلێ، لەبان گشت ئەوە، گومان لەلییان کریا، و هاوڵاتیەتی و گشت داشتیان زەفت کریا، و دەیان هەزار لەلییان، هەر وە شەوی وەریانەو ئەرا دەیشت سنوور رەوانە کریان، و خریانە بن زیندانەیل، و هەزاران لە گەنج و پیاوەیلیاه رفیان، هیمان کەسیگ نیەزانێد چە وەسەریان هات.
لەی ساڵیاد زیاندارە، یاد تەنیا رویداویگ میژووی نیەکەیمن، بەڵکم پەیمان ئەرایان نووەو کەیمن کە هەر پرس و باوەتیان وەزنی بمینێد لەناو ویژدان عراقی، و دووارە سەروەری فەیلیەیل باێدەو، نەک وە واژە و وتار و بەیاننامەی تەنیا، بەڵکم لەڕی سیاسەتەیل کارا، و وەژیرچگن، و دادپەروەری دەسوەدەسداین، و بەڵگەکردن، و گلەوداین مافەیل، و وەردەوامی لە زنیکردن یادیان، و لەهویرخستن یادەیلیان.
فەیلی تەنیا ناویگ سادە نییە، بەڵکم هویرمان و ناسنامە و خەبات و خەفەت و سەبر و وەفاس ئەرا نیشتمانیگ لەبان زەخمەیل، و هەر وەرپرسیارێتی گشت ئیمە -جویر دەوڵەت و کۆمەڵگا- مینێد مافەیل ئی چینە و ئەوەگ لەلییان زەفت کریا گلەو بەێمن، و هوکارەی نەوەیلمان لە گشت عراقیەیل لە میژوو راسگانی قوربانیەیل فەیلی بکەیمن تا نەسڕیەێد، و تا ئەو کارەساتە وەرد کەمینەیل ترەک دووارەو نەوود.
با ئی ساڵیادە بوودە شوینیگ ئەرا نووڕین و کارکردن، نەگ ئەرا خەفەت تەنیا، کە هەڵگردن هویر و یاد ئەرک و ئارەزوو و خوازین گشت کەسیگە کە، و دادپەروەرییان، و بیناکردن بانانیگ لە بنەمای دادپەروەری و دانوەپیدان کە تەنیا رییگڵ وەرەو عراقیگ گشتی خوەشاڵەو بکەێد.
لەی ساڵیاد زیاندارە، مەگەر توانیمن بویشیمن سەروەری و نەمری ئەرا شەهیدەیل فەیلی.
