عيراقيه له كانديد كردن جه‌لال تاڵه‌بانی ئه‌را سه‌رۆكايه‌تی كۆمار پشتگيری ئه‌كا
له‌هه‌مان وه‌ختيش مه‌رجه‌يل هاوپه‌يمانی كوردستان ئه‌را به‌شداری له حكوومه‌ت تازه وه هه‌ق سرووشتی ملله‌ت كوردستان زانيگ ، و چونكه ليست عيراقيه و هاوپه‌يمانی كوردستان فيشترين ده‌نگه‌يل له ناوچه‌يليگ ناكووكی هاله‌بانيان وه‌ده‌س هاوردنه ئه‌ی باوه‌ره ديريگ خاستر ئه‌وه‌سه ك وه‌ليه‌كه‌و كار بكه‌ن . مه‌يسون ده‌مه‌لوجی قسيه‌كه‌ر وه‌ناو ليست عيراقيه له ته‌سريح ڕووژنامه‌گه‌ريگ وه‌ت په‌يوه‌نديه‌يل ناونی ليست عيراقيه و هاوپه‌يمانی كوردستان تاريخيه و له‌بان فيشتر باوه‌ته‌يل عيراقی يه‌ك ديدگا ديرن و چه‌وه‌ری هاتن وه‌فد هاوپه‌يمانی كوردستان ئه‌را به‌غدا كه‌ن تا گفتوگوو و دانيشتنيگ ئه‌نجام بده‌ن. ده‌مه‌لوجی له‌باوه‌ت ديدگای ليست عيراقيه ئه‌را چاره‌سه‌ر كردن كيشه‌ی ماده‌ی 140 وه‌ت ،خاستر ئه‌وه‌سه ك هاوپه‌يمانی كوردستان وه‌ل ليست عيراقيه كار بكا ئه‌را چاره‌سه‌ر كردن گشت كيشه‌يله وه‌تايبه‌ت كه‌ركوك تا گشت لايه‌نه‌يل رازی بكا .
