رەنج کوردەگان لە کویەت ئەرا ژیانیان
یونس حه‌مه‌د/ لە چەلەگان سەدەی گوزەیشتە، كورده‌يل ژمارەی کەمی نەوین ک لەکوەێت ژیان کردیان، ک مەزنە لە سەدان یا زیاتر کریەن وەرجە رووداوەیل خەلیج و داگیرکردنەگەی عراق مەزەنە وەدەور پەنج تا دە هەزار کریان، هەرچەن لە سەرەتایی ژیانیان لەو دەوڵەتە زیان وەخوەیان دیان، بەڵکم لەناوی گونجیان و خەڵکەگەی وەباڵایان گورانی (بووک خەلیج) وتیان.
با کەمیگ بچیمنە دویا، ئیسە لە سنوور مێژوو رەد کەیمن، تا وەرجە مێژوو، ک ناوی نەیمن وە ماوەی وەرجە رووداوەیل یەکەم لە خەلیج، ک کوردەگان دەور گرنگیگ لە چالاکیە کۆمەڵایەتیەکان و رووشنهویریەگان و تەنانەت مرۆییەگان داشتن، دویای رووداوەگان لەوەر ئەوە ک بەشیگ لەبان شناسنامەی عراقی دانانەیان کەفتنە وەر سەختی، و دەسکردنە کۆچبردن وەرەو دەوڵەتە ئۆڕوپیەگان، وژیان خوەیان نووەو کردن لە دەوڵەتە ئسکەندنافیەگان و خوەرئاواییەگان و ئەمریکا ک داگیرکردن کویەت لەلایەن عراق وە گرنگترین رووداوەیل خوەهەڵات ناوڕاس وناوچەگە لە سەدەی بییسەم دوێنێد، لەوەر نەهامەتیەیل و زیانەیل گەل کوەیت و ئەو زیان و جیماگەیلە ک هیمان کاریگەریەگانی ها بان خانە ویجدان کۆمەڵگای کوەیت.
دەوڵەت کوەیت سیستەمیگ شازادەییە لە شەش پارێزگا، کوەیت پایتەخت، و حەولی، و ئەحمەدی، و جەهڕا، و فەروانیە، و موبارەک گەورا، و گەوراترین شارەیلی خوەی کوەیت پایتەختە، و دانیشتوەیلی لە یەک مەلیۆن کەس زیاترن، ئیجا حەولی ک کوردەگان هانە پارێزگای حەولی وەتایبەت لە ناوچەی نوقرە، (دەوار کورد)، ک لەورا لە چینەیل فرەیگ کار کەن و گرنگترینیان بازرگانی و کاسبکاری و کارەیل کشتوکاڵی و کارەیلیگ ئازاد.
کوردەگان لەئەولا دەور زاقیگ داشتن لە دامەزرانن هێز ئابووری و کارمەنی وەرجە نەفت، ک لەماوەی ساڵەگان ژمارەیگ لە دامەزراوەیل ئابووری لەلیان دەرچگ، و کارکردن و زانست و تەکنیک و راگەیانن و رووشنهویری ..هتد، و دەور خاسیگ داشتن لە گەشەکردن چەن جوولەیگ.
ئەو کوردەیلەگ لە کوەیت ژیان کەن جوور هەر مەردمیگ رەنج دەن تا وەگەرد شیوەی نوو ژیانەگە بگونجیەن، ک لە وەرجە زیاتر لە سەد ساڵ لەبانیان چەسپیا، و بەشیگ لە خیزانەگان وەگەرد کۆمەڵگای کوەیتی تیکڵاوە بوین و ژن و ژنخواز لەناویان بوی وەسکردنە ژیان نوویگ.
لە شەسەگان سەدەی گوزەیشتە، حکومەت کوەیت جوور ئەو کوەیتیەگان وەگەردیان رەفتار کردیاد، بیجگە ماف سیاسی، بەڵکم ژمارەی گەورایگ لەلیان چینە ناو سوپا و پۆلیس و کۆمپانیا گرنگەگان و بەشیگ لە فەرمانبەریە حکومەتیەگان، بەڵکم دویای ئەوە کەم کەم رەفتار دەوڵەتەگە وەگەرد کوردەگان و ئەو نەتەوەگان تر لە کوەیت ئاڵشت بوی، ئەوەگ خەفەتباریە ک فرە لەلیان لەدویای یەکەمین قەیران لە خەلیج کۆچبردن وەرەو دەوڵەتەیلیگ تر، و بەشیگیان هیمان لەناوی ژیان کەن و لەبان ئەو مێژوو دویر ودریژە لە زیان وکار و تەقەلایان و گونجاننیان وەگەرد کۆمەڵگاگە، بەڵکم شناسنامەی یا بەڵگەیلیگ هەمیشەیی وەرنەگردن، بەڵکم تەنیا جوور نیشتەجیی ساڵانە (ئیقامە) دیرن، و کوردەگان لە کوەیت لە گشت پارچەگان کوردستان وەزوان داڵگ خوەیان قسە کەن هەرچەن لە سەد ساڵ زیاترە ئەرای چینە، هووز یورک یا کورد کوەیت خوەیان زۆرینەی کوردن، نەگ تەنیا لە کوەیت بەڵکم لە گشت خەلیج.
