کوشیان هونەرمەنیگ جەماوەری لە هەرێم کوردستان
شەفەق نیوز/ سەندیکای هونەرمەنەیل لە هەرێم کوردستان، ئمڕوو سێشەممە، پرسەی هونەرمەن و موسیقاژەن ناودیار «جوانڕو باڵبان» کرد.
سەندیکاگە لە بەیاننامەگەی وت: هەس وە خوسە و خەفەت کەیمن لە ژنەفتن خەوەر کوشیان هونەرمەن «جوانڕۆ باڵبان» ئەندام سەندیکاگە لە لق سلێمانی، و ئەندام کۆمەڵەی هونەرە جماوەریەیل لە کوردستان، و ئەندام تیم مۆسیقای سەربازی لە وەزارت پێشمەرگە.
سەندیکاگە لە بەیاننامەگەی داوا لە دەزگایل ئاسایش و هێزەیل پێشمەرگە کرد خاوەنەیل ئی تاوان ناشرینە بخەنە پای یاسا.
لەلای خوەییش وەڕێۆبەرایەتی پۆلیس لە پارێزگای هەولێر لە بەیاننامەیگ رەسیە ئاژانس شەفەق نیوز وت: لە ساعەت پەنج شەوەکی ئمڕوو، تەرم هاووڵاتیبگ وەناو جوانڕۆ کەریم لە تەمەن ٤٤ ساڵان لە ئاوای پەلگە رەش سەروە ناحیەی دیگەڵە پەیا کرد.
بەیاننامەگە وتیش؛ هێزەیل وەڕێۆبەرایەتی پۆلیس هەولێر روی وەرەو شوین رووداوەگە کردن، و دەر کەفت ک قوربانیەگە فەرمانبەرە لە وەزارەت پێشمەرگە، وتیش؛ لێکۆڵینەوەیگ لە رووداوەگە واز کریا.
