کورد فه‌یلی، قاره‌مان فیلمێگێ ئامریکایی
شه‌فه‌ق نیوز- فیلم (مووسڵ 2019) ک فیلم ئه‌کشن دیاریێگه ده نام فیلمه‌یل جه‌هانی، ده مانگی نۆوامبر ساڵ 2019 زایه‌نی، ده‌رهاتگه‌سه ده‌ر.
ئی فیلم باس ئه‌فسه‌ر پولیسێ وه دیلی‌بریاگ، ده مووسڵ دکه‌ێ ک وه جه‌خت و ته‌ق‌وداو گرووپ زه‌وه‌ردێ له ئه‌رتش عراق، له قه‌پ داعشییه‌یله، ئازاد دکرێ و دده‌ێگه داڵته‌ی ئه‌وان و ئمجا وه یه‌که‌و، وه‌ل هووز (داعش)ا، شه‌ڕ و خوێن و کوشت و بڕێ فره‌یێگ دیرن.
ده‌رهێنه‌ره‌گه‌ی ئی فیلمه (مه‌تیوو میشل کارناهان)ه ک ده سناریووه‌گه‌ی خوه‌ێ وه‌یجوور دییه ک یه‌کێ له دیالۆگه‌یله‌ی بنێ ئه‌ڕا ناسانن که‌م‌هووزه‌یل داخدار کورد فه‌یلی ک نه‌خش فره‌یێگ ده سه‌قام گرتن عراق نووی داشتنه و له تاکمه‌هووزه‌یل عراقیین ک هه‌ر مه‌ینه‌تباریێ ئه‌ڔا سازین عراقێ دموکراتیک وه گیان و دڵ خوه‌یان کیشانه.
ده ئی فیلمه، یه‌کێ له قاره‌مانه‌یله‌ێ، خوه‌ێ وه‌یجووره دناسنێ (م کاوه موحه‌مه‌د فه‌یلییم، کورد فه‌یلیێگم).
ئیوه دتوانن ئی فیلمه ده بان ئه‌په‌یل فره‌یێگ ببینن ک لینکه خوارینه‌گه یه‌کێ له رێگه‌یل دیین ئی فیلمه‌سه:
https://upmedia.me/foreign-movies/8951/%D8%AF%D8%A7%D9%86%D9%84%D9%88%D8%AF-%D9%81%DB%8C%D9%84%D9%85-mosul-2019.html
ئی فیلمه وه زوان ئنگلیسی و ئه‌ڔا گه‌وراساڵه‌یله سازریاگه و نه‌ونمامه‌یلێ ک بان سێزده ساڵانن.
