کورد فه‌یلیێ، بی وه کاندیدای فستیواڵ فیلم ئانلاین
شه‌فه‌ق نیوز- هووز داوه‌ره‌یل (جه‌شنواره‌ی ئانلاین کورته‌فیلم ئه‌ڕا وه‌دی کردن بڵیمه‌ته‌یل و ئه‌ڵیمه‌‌ته‌یل)، کاندیدایله‌ی به‌ش فیلمه‌یل کوڵ‌کوڵ ئی جه‌شنواره، شییه و دیارییه‌و کردن.
ده نام سی و هه‌شت کوڵه‌فیلم، ده به‌ش خاسترین فیلم، فیلم ئجباری ک (موحه‌مه‌د جه‌واد خورشا) هونه‌رمه‌ند ئیلامی ، ده‌رهاوردگه‌سه‌ی، ئه‌ڔا پله‌ی یه‌کم ئه‌لبژریا.
ده به‌ش خاسترین ده‌رهێنه‌ر و کارگه‌ردانیش، هه‌مجا ئه‌وی خوه‌ێ و فیلمه‌گه دوێم ده‌رهاتن.
ده به‌ش بێهترین فیلمنامه‌یش، هه‌مجا بی وه چوارم.
ده به‌ش خاسترین وازیکاره‌یل پیاگیش دو که‌س له هونه‌رمه‌نده‌یله‌ی فیلم ئجباری ک هن خورشاسه، وه نام سوهه‌یل که‌ره‌میار و سوهه‌یل قه‌نادان، بین وه یه‌کم و دوێیم.
ئی جه‌شنواره له بیس و دوێم مانگ ئابان هه‌تاوی ده‌س کریاگه وه‌ێ و وه یه‌ک هه‌فته ته‌مامه‌و دبێ.
داوه‌ره‌یله ئی جه‌شنواره که‌سایه‌تیه‌یل نامدار سینمای ئێران، یانێ که‌سه‌یلێ جوور مه‌هتاب کرامه‌تی، ئاتیلا پسیانی، جواد تووسی و سیرووس ئه‌ڵوه‌ندن.
به‌ش به‌زانی و ئختتامیه‌ی ئی جه‌شنواره‌یش هه ئی جمه، هه‌مجا وه ئانلاین و ده لینک په‌یوه‌ندی http://www.aparat.com/talentfilmfest/live دگیردرێ.
فیلمه‌یله‌ییش ده بان سایت https://vodio.ir وه ئانلاین دریانه‌سه نیشان و فیلمه‌یلێ ک خه‌ڵاتی کریانه، دۆمای به‌زانیه‌گه و ئختتامیه‌گه، دواره دنرن وه بان سایت فیلیموو وه‌ی لینک په‌یوه‌ندییه‌وه https://www.filimo.com تا هه‌ر که‌س ک بخوازێ بتوانێ ببینێگه‌یان.
خاسه بزانن ک ره‌وه‌ن ئی جه‌شنواره ئه‌ڵ بان سایت جه‌شنواره‌گه وه‌ی نیشانییه http://www.talentfilmfest.com ئوو ده بان په‌ڕه‌ی ئینستاگرام وه‌ی به‌س و په‌یوه‌نییه https://www.instagram.com/Talentfilmfest ، ئوو هه‌مجا ده کاناڵ تلگرامی جه‌شنواره‌گه، وه‌ی لینکه‌وه https://t.me/talentfilmfest ، گڕ وه گڕ دنرێگه‌وه.
موحه‌مه‌د جه‌واد خورشا، کوڕ ئوستاد دوکتور عه‌قیل خورشا، له گه‌په‌یل کورد فه‌یلی تێهران و به‌غداسه و ساڵیان ساڵ وه خاتر تاڕیان له عراق ده ده‌وران نه‌نگه‌ساری به‌عس سه‌ددامی، دانیشتگ تێهرانه‌و بی.
