وە فیلم.. رفانن نتنیاهو و بردنی ئەرا ئیران
شەفەق نيوز/ لەبان پلاتفۆرمەیل ئەلیکترۆنی ئیرانی، لەی رووژەیل دویاییە، پارچە ڤیدیۆییگ لە فیلمیگ دەرکەفت، کە لەناوی بنیامین نتنیاهو سەرۆک وەزیرەیل ئیسرائیل رفیەێد، و ئەرا ئیران بەنەی.
ئەو پارچەیلە لە فیلمیگ کوڵ ئیرانی بریانە وە ناونیشان "خیزانیگ نافەرمی غير"، وە خەوەریگ لەبان رویداویگ نادیار دەسوەپی کەێد، پەیوەندی وە نەمان ناکاوی سەرۆک وەزیرەیل ئیسرائیل دیرێد.
دویای ئەوە، هەڵگەردانکار زوان عیبری داتا کریەێد، تا پرسیار لە میوانەگە بکەێد لە تەهرانڕ تا دویای ئەوە ئاشکرا بوود کە ئی میوانە خود نتنیاهوە.
هەرچەن ئی فیلمە وەرجە زیاتر لە پەنج مانگ دەرچگە، وەناکاوەو لەبان سۆشیال میدیا لە ئیران دووارە هاتەبان، وەگەرد دانوسەنین ناوەین واشینتۆن و تەهران لەبان پرس ئەتۆمی ئیران.
جی باسە کە فیلمەگە لە ستودیۆی "قدرە" بەرهەم کریا، کە ئیزگەی "فەردا"ی ئۆپۆزسیۆن ئیرانی بەخت ئەوە وەپیەو کرد کە کۆمپانیایگ سارۆە هەواڵگری تەهرانە، کار ئەرا بڵاوکردن پرۆپاگاندا کەێد ئەرا حکومەت ئیران.
"فەردا" ئویشێد؛ سەروک جیوەجیکار کۆمپانیای "قدرە" مورتەزا ئەسفەهانیەڕ کە هەمیش وەهان مورتەزا غوبه ناسیاس، کە ئەوسا وەرپرسیگ بوی لە هەواڵگری ئیران.
وەگەرد ئەوەیش فیلمەگە لەبان سایت "عەمار يار" سەروە دەزگاییگ وەناو "بەرەی کەلتووری شووڕش ئیسلامی" کار نیەکەێد، کە دەزگاییگ فەرمیە وەگورەی فەرمان عەلی خامەنەئی ریبەر باڵا وەرجە زیاتر لە دە ساڵ دەرچگەر و کارەیلیگ مووڵەتدار وەگورەی هویر و رای حکومەت ئیرانی بڵاو کەێد.
