هەولێر رووسیا و ئۆکرانیا لە ڤیستواڵیگ هونەری گردەو کەێد

شەفەق نیوز/ هیوا سوعاد وەڕیەوبەر سەندیکای هونەرمەنەیل کوردستان بەش هەولێر، ئمڕوو سێشەممە، ئاشکرای سازدان ڤیستواڵ ناودەوڵەتی شانۆگەری لە هەولێر لە رووژەیل ئایندە کرد.

سوعاد ئەرا ئاژانس شەفەق نیوز وت: ڤیستواڵەگە لە دوانزەی ئی مانگە کردیەێد و تا ماوەی هەفت رووژ وەردەوام بوود.

وتیش: کارە ناکاویەگە لەی ڤیستواڵە ئەوەسە ک تیمەیل هونەری لە رووسیا و ئۆکرانیا بەشداری کەن، وئەوەسا شانۆگەری و هەڵپەڕکەی جەماوەری لەناو ڤیستواڵەگە نمایش کریەێد.

دیاری کرد ک وەماوەی دوو ساڵ گوزەشتە لەوەر پەتای کۆرۆنا ڤیستواڵەگە نەکریا، باوجی ئمساڵ گشت مووڵەت و ئامادەکارییگ کریا، وتیش: تورکیا و سوریا وعومان و ئیران و رووسیا و ئۆکرانیا و عراق و هەرێم کوردستان و تونس وە نمایشکردن ١٤ شانۆگەری لەی ڤیستواڵە بەشداری کەن.