نیکۆڵ کیدمان کەفێدە دەسپاچە لە فێستیڤاڵ فیلم کان

شەفەق نیوز/ خانمە ئەکتەر ئوسترالی نیکۆڵ کیدمان لە فێستیڤاڵ فیلم کان لەبان قالی سوور شەرمەزار بوی، دویای ئەوەگ کامێرەیل تووڕ بارووکەی سەری ئاشکرا کرد، هەرچەن تەقەلای تێکەڵکردنی وەرد گیس راسگانیی دەێد تا گەنجتر دەرکەفێد.

کیدمان تەمەن 57 ساڵ مەوقەی وینەگردن تووڕ گیس دەسکردی (بارووکە) دیار دا، هەناێ پڕتاڵ سوور کلاسیکی لەوەری بوی ئەرا بەشداریکردن ئەو خەڵاتە کە Women In Motion 2025 وە هاوبەشی وەرد فێستیڤاڵەگە رێکی خەێد، وەگورەی رووژنامەی دەیلی مەیلی ئوسترالیا.

وەگەرد هەڵەی جوانکاری، کیدمان لە ئافەرین فراوانیگ لەلی کریا ئەرا کارەیلی و دەسکەفتەیلی لە پاڵپشتیکردن ژن لە سینەما هەناێ خەڵاتەگە وەرگرد.

ئەو خانمە لە وتار وەرگردن خەڵاتەگە وت "من تەنیا پشتگیریکەرم، و خوازم وەردەوام لەی کارە وەرەو نوا بچم"، وتیش: "شانازی کەم هامە ناو لیست ئەو ژنە نایابەیلە کە وەرجە من ئی شەرەفە وەرگردنە".

باس پەیوەندییە دویرودرویژی وەرد فێستیڤاڵەگە کرد و وت "فێستیڤاڵ فیلم کان زیاتر لە 30 ساڵە بەشیگ بویە لە ژیانم، فرە دڵخوەشم کە ئی رێزلێنانە نایابە زیای کەم ئەرا ئەو یادەوەرییەیل فرە لێرا دروس کردمە".

کیدمان وەرجەوە هەر لەو رووژە لە پانێڵیگ گفتوگۆی فێستیڤاڵەگە دەرکەفت، کە پڕتاڵیگ سیای تەواو پووشوێد کە کوتریگ چەرم تەنک و جینزێیگ بوی، بەڵام شیوەی گیسی دووارە قسە لەبانی بوی، دویای ئەوەگ وەوجویرە دەرکەغت کە پارچە گیسەگە وەرد پووس سەری نەگونجیاس.

جی باسە کە وەرجەیە کیدمان پابەندبوینی وە پاڵپشتیکردن دەرهێنەرە ژنەیل راگەیان و وت "لە ساڵ 2017 پەیمان دامە کە هەر 18 مانگ جاریگ وەرد دەرهێنەریگ ژن کاربکەم، لەو وەختەو وەرد 27 ژن هاوکاری کردمە لە پڕۆژەیا جیاواز".

وەگەرد ئەو شیوەی کۆمیدیان کە وەخوەی دی، کیدمان لە کۆمەڵگەی هونەری وە شیوەیگ فراوان رێز لەلی گریەێد، کە ناوەگەی پەیوەندی وە شمارەی فرەیگ لە فیلمە سەرکەفتگەیل دیرێد، جویر Moulin Rouge! وEyes Wide Shut، هەمیش بەشداری لە کارەیل نوویگ کەێد جویر Babygirl وThe Perfect Couple.

مۆلین ڕوژ! و Eyes Wide Shut، هەروەها لە بەرهەمەکانی ئەم دواییەی وەک Babygirl ڕۆڵی سەرەکی دەگێڕێت.