مناڵەیل کەرکوک وە شانۆ باس کۆڕۆنا کەن (وێنە+ڤیدیۆ)
شەفەق نیوز/ مناڵەیلیگ لە کەرکوک «ئەرا یەکەم جارە» لە مێژوو پارێزگاگە، ڕاهێنان لەبان هونەر شانۆ و مۆسیقا کەن، دویای زیانیگ لە کەرەنتین تەندروسی لەوەر پەتای ڤایڕۆس کۆڤید-١٩.
سەرپەرشتیار راهێنانەگە و ماموستای شانۆ «عەبدولڵا کاکەیی» ئەرا ئاژانس شەفەق نیوز ئویشێد: کەرکوک ئەرا یەکەم جارە لە مێژووەگەی دەسکردن وە بڕۆگرام راهێنان مناڵەیل لەبان هونەر شانۆ وەخوەی دوینێد، و دیاری کرد ک بڕۆگرامەگە هووکارەی شانۆکاری مناڵەیل لە تەمەن ٦ ساڵ ئەوبان هاناوی.
وتیش؛ ژمارەی مناڵە بەشدارەیل رەسیە ٤٢ مناڵ لە دوێەت و کوڕ، وە ٢٠ دوێەت و ٢٢ کوڕ.
کاکەیی دیاری کرد ک لە پرۆگرامەگە نشانیان دریەێد چوین بچنە بان شانۆ و چوین نمایش شانۆ بکەن و مۆسیقا بژەنن، وتیش؛ دویای راهێنانەگە، مناڵەیلە نمایش شانۆ دەربارەی بیماری ڤایڕۆس کۆڕۆنا و نمایشەیل مۆسیقا لەبان شانۆگە کەن.
هەمیش وت: ئی ڕاهێنانە وەبی وەرانوەر ئەرا مناڵەیل پێشکەش کەیمن، چوینکە پارێزگای کەرکوک ئیجوور کارەیلیگ خوازێد، دویای ئەو زیانە ک لەوەر بیماری کۆڕۆنا وەخوەی دی، و کاریگەریی لەبان دەروین مناڵەیل.
کاکەیی داوا لە حکومەت و کۆمەڵگا کرد گرنگی بیەنە مناڵەیل و ئاست هویر و رووشنهویرییان بەرزەو بکەن، تا بوونە نوی پڕ ئومیدیگ وە زانست و دووسی هونەر لە گشت لاییگ.
